Hyderabad Building Collapse | హైదరాబాద్​లో ఘోర ప్రమాదం.. భవనం కూలి నలుగురు దుర్మరణం

అక్షరటుడే, వెబ్​డెస్క్​: Hyderabad Building Collapse | రాష్ట్ర రాజధాని హైదరాబాద్ నగరంలో మరో ఘోర ప్రమాదం జరిగింది. టోలీచౌకీలోని ఓ ఐదంతస్తుల భవనం కుప్పకూలింది. దీంతో అక్కడికక్కడే నలుగురు దుర్మరణం చెందారు.

Hyderabad Building Collapse | మరికొందరికి తీవ్ర గాయాలయ్యాయి. కాగా..

వీరిలో కొందరి పరిస్థితి విషమంగా ఉన్నట్లు తెలుస్తోంది. విషయం తెలిసిన వెంటనే పోలీసులు ఘటనా స్థలానికి చేరుకుని సహాయక చర్యలు చేపట్టారు. రెస్య్కూ బృందాలు (Rescue teams) సహాయక చర్యలు చేపట్టాయి. కాగా.. ఈ ఘటనలో మృతుల సంఖ్య పెరిగే అవకాశం ఉందని అనుమానిస్తున్నారు. పోలీసులు కేసు నమోదు చేసుకుని దర్యాప్తు ప్రారంభించారు. ఘటనకు సంబంధించిన పూర్తి వివరాలు తెలియాల్సి ఉంది.

Hyderabad Building Collapse | వరుస ప్రమాదాలు..

హైదరాబాద్​ నగరంలో ఇటీవల వరుస ప్రమాదాలు చోటుచేసుకుంటున్నాయి. బాచుపల్లి (Bachupalli) లోని ప్రగతి నగర్​ ప్రాంతంలో భారీ అగ్ని ప్రమాదం చోటు చేసుకున్న విషయం తెలిసిందే. రోడ్డు పక్కన ఫర్నిచర్ షాపులో మంటలు చెలరేగాయి. అనంతరం ఫుట్‌పాత్‌పై ఉన్న షాపుల్లోకి వ్యాపించి 50 షాపులు దగ్ధం అయ్యాయి. ఈ ఘటనలో భారీగా ఆస్తి నష్టం జరిగింది. అలాగే నాంపల్లిలోని ఓ ఫర్నిచర్ షాపులో భారీ అగ్నిప్రమాదం చోటు చేసుకున్న విషయం విదితమే. ఈ ప్రమాదంలో ఓ మహిళ, ఇద్దరు చిన్నారులతోపాటు వీరిని కాపాడేందుకు వెళ్లిన మరో ఇద్దరు మంటల్లో చిక్కుకొని సజీవదహనమైన విషయం తెలిసిందే. వరుస ప్రమాదాలు హైదరాబాద్ (Hyderabad) నగర వాసులను ఆందోళనకు గురిచేస్తున్నాయి.

ఇది కూడా చదవండి..: Bachupally Fire Accident | బాచుపల్లిలో భారీ అగ్ని ప్రమాదం