అక్షరటుడే, వెబ్డెస్క్: Vijayawada Temple Theft | విజయవాడలోని Vijaywada ప్రసిద్ధ దుర్గమ్మ ఆలయంలో భక్తుల రద్దీని ఆసరాగా చేసుకుని దొంగలు భారీ చోరీకి పాల్పడ్డారు. క్యూలైన్లో ఉన్న ఓ భక్తురాలి బ్యాగ్ నుంచి సుమారు రూ.50 లక్షల విలువైన బంగారం దొంగిలించబడిన ఘటన కలకలం రేపింది. ఈ సంఘటనపై బాధితురాలి ఫిర్యాదు మేరకు విజయవాడ వన్టౌన్ పోలీసులు కేసు నమోదు చేసి దర్యాప్తు ప్రారంభించారు.
పోలీసుల వివరాల ప్రకారం, బాధితురాలు హైదరాబాద్కు చెందిన మహిళ. విజయవాడలో జరిగే ఓ పెళ్లికి హాజరుకావడానికి ఆమె నగరానికి వచ్చింది. అదే సమయంలో దుర్గమ్మను దర్శించుకుని తిరిగి హైదరాబాద్కు వెళ్లాలని నిర్ణయించుకుంది. ఈ క్రమంలో ఆలయంలోకి వెళ్లేందుకు క్యూలైన్లో నిలుచున్న సమయంలో ఆమె బ్యాగ్లో ఉన్న సుమారు రూ.50 లక్షల విలువైన బంగారం కనిపించకుండా పోయింది.
Vijayawada Temple Theft | మహా కుంభాభిషేక మహోత్సవాలు..
దుర్గమ్మ ఆలయంలో ప్రస్తుతం మహా కుంభాభిషేక మహోత్సవాలు జరుగుతున్నాయి. ఈ వేడుకల సందర్భంగా భక్తులు భారీ సంఖ్యలో ఆలయానికి తరలివస్తున్నారు. క్యూలైన్లలో కూడా ఎక్కువ రద్దీ నెలకొంది. ఈ పరిస్థితిని ఉపయోగించుకున్న దొంగలు మహిళ బ్యాగ్ను లక్ష్యంగా చేసుకుని బంగారం చోరీ చేసినట్లు పోలీసులు Police అనుమానిస్తున్నారు.
అయితే దొంగను గుర్తించడం పోలీసులకు సవాలుగా మారింది. మహా కుంభాభిషేక మహోత్సవాల సందర్భంగా ఆలయ పరిసరాల్లో భక్తుల కోసం అనేక చోట్ల టెంట్లు ఏర్పాటు చేశారు. ఈ టెంట్లు సీసీ కెమెరాలకు అడ్డుగా రావడంతో చోరీ జరిగిన దృశ్యాలు సరిగా రికార్డ్ కాలేదని సమాచారం. దీంతో నిందితులను గుర్తించడంలో పోలీసులు ఇబ్బందులు ఎదుర్కొంటున్నారు.
Vijayawada Temple Theft | భక్తుల ఆందోళన..
ప్రస్తుతం పోలీసులు ఆలయ పరిసరాల్లో ఉన్న ఇతర సీసీ కెమెరాల CC Cameras ఫుటేజీలను పరిశీలిస్తున్నారు. అలాగే చోరీ జరిగిన సమయంలో అక్కడ ఉన్న అనుమానాస్పద వ్యక్తులపై కూడా దృష్టి సారించారు. ఆలయానికి వచ్చిన భక్తుల వివరాలు సేకరించి, దర్యాప్తును వేగవంతం చేస్తున్నారు. ఈ ఘటనతో దుర్గమ్మ ఆలయానికి వచ్చిన భక్తులు ఆందోళన వ్యక్తం చేస్తున్నారు.
భారీ రద్దీ సమయంలో భద్రతా ఏర్పాట్లను మరింత కట్టుదిట్టం చేయాలని వారు కోరుతున్నారు. పోలీసులు కూడా భక్తులు తమ వద్ద ఉన్న విలువైన వస్తువుల విషయంలో జాగ్రత్తగా ఉండాలని సూచిస్తున్నారు. ప్రస్తుతం ఈ ఘటనపై దర్యాప్తు కొనసాగుతోంది.
