అక్షరటుడే, వెబ్డెస్క్: Tata Motors March Offers | దేశీయ ఆటోమోబైల్ రంగ దిగ్గజం టాటా మోటార్స్ (Tata Motors) మార్కెట్ను పెంచుకోవడం కోసం ఎప్పటికప్పుడు కొత్త మోడల్ కార్లను రిలీజ్ చేస్తోంది. అలాగే కొనుగోలుదారులను ఆకర్షించడం కోసం ఆఫర్లను ప్రకటిస్తుంటుంది. ఇందులో భాగంగా మార్చి ఆఫర్లతో ముందుకొచ్చింది.
2024లో తయారైన ఈవీ మోడళ్లపై ప్రత్యేక తగ్గింపు ఇస్తున్నట్లు ప్రకటించింది. ఎక్స్ఛేంజ్ బెనిఫిట్స్ రూ.50 వేల వరకు కల్పిస్తున్నట్లు తెలిపింది. అయితే హారియర్ ఈవీ (Harrier EV), టిగోర్ ఈవీ వంటి ఎలక్ట్రిక్ లైనఅప్లను ఈ డిస్కౌంట్ ఆఫర్ నుంచి మినహాయించింది. అయితే ఈ ఆఫర్స్, బెనిఫిట్స్ నగరాల వారీగా మారిపోతాయి. ఆసక్తిగలవారు స్థానిక డీలర్లను సంప్రదించడం ద్వారా వివరాలు తెలుసుకోవచ్చు. ఏ కార్లను ఎంత తగ్గింపు ధరకు విక్రయిస్తోందో తెలుసుకుందామా..
Tata Motors March Offers | టాటా కర్వ్ ఈవీపై రూ. 1.71 లక్షలు..
టాటా కర్వ్ ఈవీ (Tata Curve EV)పై రూ. 1.71 లక్షల వరకు డిస్కౌంట్ ఇవ్వనున్నట్లు కంపెనీ తెలిపింది. ఈ మోడల్ 45 కిలోవాట్ హవర్, 55 కిలోవాట్ హవర్ బ్యాటరీ ప్యాక్స్తో వస్తోంది. వీటి ఎక్స్ షోరూమ్ ధర రూ. 17.49 లక్షల నుంచి రూ.22.24 లక్షల వరకు ఉంది. దీనిపై రూ. 1.71 లక్షల వరకు డిస్కౌంట్ లభించనుంది.
Tata Motors March Offers | టాటా నెక్సాన్ ఈవీపై రూ. 1.41 లక్షలు..
టాటా నెక్సాన్ ఈవీ కారుపై రూ.1.41 లక్షల వరకు తగ్గింపు పొందవచ్చు. ఇది 30 కిలోవాట్ హవర్, 45 కిలోవాట్ హవర్ రేంజ్తో అందుబాటులో ఉంది. ఎక్స్ షోరుమ్ ధర రూ.12.49 లక్షల నుంచి రూ.17.49 లక్షల వరకు ఉంది.
Tata Motors March Offers | టాటా టియాగో ఈవీపై రూ. 1.30 లక్షలు..
టాటా టియాగో ఈవీపై రూ. 1.30 లక్షల వరకు డిస్కౌంట్ ఇస్తోంది. ఈ కారు 19.2 కేడబ్ల్యూహెచ్, 24 కేడబ్ల్యూహెచ్ రేంజ్తో వస్తోంది. దీని ఎక్స్ షోరూమ్ ధర రూ. 7.99 లక్షల నుంచి రూ. 11.14 లక్షల వరకు ఉంది.
ఇది కూడా చదవండి..: Tecno Pop X | బడ్జెట్ ధరలో బెస్ట్ ఫీచర్స్తో స్మార్ట్ ఫోన్..
