అక్షరటుడే, వెబ్డెస్క్ : CA Results 2026 | ఇన్స్టిట్యూట్ ఆఫ్ చార్టర్డ్ అకౌంటెంట్స్ ఆఫ్ ఇండియా (ICAI) చార్టర్డ్ అకౌంటెంట్స్ ఇంటర్మీడియట్, ఫౌండేషన్ పరీక్షల ఫలితాలను ప్రకటించింది. జనవరి 2026 సెషన్కు హాజరైన అభ్యర్థులు వెబ్సైట్లో ఫలితాలు చూసుకోవచ్చు.
ఐసీఏఐ CA ఇంటర్మీడియట్ జనవరి 2026 పరీక్షకు గ్రూప్ వారీగా గణాంకాలను కూడా విడుదల చేసింది. గ్రూప్ Iలో మొత్తం 105,526 మంది అభ్యర్థులు పరీక్ష రాయగా.. 14,733 మంది ఉత్తీర్ణులయ్యారు. గ్రూప్ IIలో, 69,477 మంది అభ్యర్థులకు 10,798 మంది పరీక్షను క్లియర్ చేశారు. రెండు గ్రూపులకు కలిపి 41,798 మంది అభ్యర్థులు పరీక్షకు హాజరు కాగా 3,924 మంది పాస్ అయ్యారు. ఈ పరీక్షల్లో పురుషులు 20.13 శాతం, మహిళలు 18.26 శాతం ఉత్తీర్ణత సాధించారు.
CA Results 2026 | ఇలా చెక్ చేయాలి
ఈ ఏడాది జనవరిలో సీఏ ఇంటర్మీడియట్, ఫౌండేషన్ పరీక్షలు జరిగాయి. అభ్యర్థులు ఫలితాల కోసం ఉత్కంఠగా ఎదురు చూస్తున్నారు. ఈ క్రమంలో ఐసీఏఐ ఆదివారం రిజల్ట్స్ రిలీజ్ చేసింది. అభ్యర్థులు అధికారిక వెబ్సైట్ icai.nic.inలో ఫలితాలు చూసుకోవచ్చు. సైట్ ఓపెన్ చేశాక రిజిస్ట్రేషన్ నంబర్, రోల్ నంబర్ను ఎంటర్ చేసి స్కోర్ కార్డు డౌన్లోడ్ చేసుకోవాలి. ఫలితాలతో పాటు ఆల్ ఇండియా మెరిట్ జాబితా, సెషన్ కోసం మొత్తం ఉత్తీర్ణత శాతాన్ని కూడా విడుదల చేసింది.
దీనిని కూడా చదవండి : UPSC Civil Services Results | సివిల్ సర్వీసెస్ ఫలితాల విడుదల
