అక్షరటుడే, వెబ్డెస్క్: Indian Stock Market | పశ్చిమాసియాలో ఉద్రిక్తతలు కొనసాగుతుండడంతో ఇన్వెస్టర్లు అప్రమత్తంగా వ్యవహరిస్తున్నారు. అమెరికా, ఇరాన్ల మధ్య యుద్ధం కొనసాగుతుండడం, క్రూడ్ ఆయిల్ (Crude Oil) ధరల్లో భారీ హెచ్చుతగ్గులతో ద్రవ్యోల్బణం పెరగవచ్చన్న ఆందోళన వ్యక్తమవుతోంది.
Indian Stock Market | దేశీయ స్టాక్ మార్కెట్లు మళ్లీ నష్టాల బాటలో
దీంతో గత సెషన్లో రిలీఫ్ ర్యాలీలో వచ్చిన లాభాలను బుక్ చేసుకోవడానికి ప్రాధాన్యత ఇస్తుండడంతో దేశీయ స్టాక్ మార్కెట్లు మళ్లీ నష్టాల బాటలో పయనిస్తున్నాయి.బుధవారం ఉదయం సెన్సెక్స్ 33 పాయింట్ల లాభంతో ప్రారంభమై మరో 86 పాయింట్లు పెరిగింది. అక్కడినుంచి 1,075 పాయింట్లు పడిపోయింది. నిఫ్టీ 30 పాయింట్ల నష్టంతో ప్రారంభమై అక్కడినుంచి 68 పాయింట్లు పెరిగింది. ఇంట్రాడే గరిష్టాలనుంచి 303 పాయింట్లు కోల్పోయింది. ఉదయం 11.30 గంటల ప్రాంతంలో సెన్సెక్స్ 896 పాయింట్ల నష్టంతో 77,309 వద్ద, నిఫ్టీ 249 పాయింట్ల నష్టంతో 24,012 వద్ద కదలాడుతున్నాయి.
Indian Stock Market | మిశ్రమంగా సూచీలు..
దేశీయ స్టాక్ మార్కెట్ (Domestic Stock Market)లోని సూచీలు మిక్స్డ్గా స్పందిస్తున్నాయి. ఫార్మా 1.02 శాతం, మీడియా 0.98 శాతం, యుటిలిటీ 0.94 శాతం, పవర్ 0.61 శాతం, మెటల్ 0.60 శాతం లాభాలతో ఉన్నాయి. నిఫ్టీ ఆటో ఇండెక్స్ 1.71 శాతం, బ్యాంక్ నిఫ్టీ 1.41 శాతం, ఫైనాన్షియల్ సర్వీసెస్ 1.22 శాతం నష్టంతో కదలాడుతున్నాయి.
Top Gainers : బీఎస్ఈ సెన్సెక్స్లో 7 స్టాక్స్ లాభాలతో ఉండగా.. 23 స్టాక్స్ నష్టాలతో ట్రేడ్ అవుతున్నాయి. సన్ఫార్మా 1.34 శాతం, ఎన్టీపీసీ 0.99 శాతం, పవర్గ్రిడ్ 0.70 శాతం, అదానిపోర్ట్స్ 0.67 శాతం, ఇండిగో 0.57 శాతం లాభాలతో ఉన్నాయి.
Top Losers : ఎం అండ్ ఎం 2.79 శాతం యాక్సిస్ బ్యాంక్ 2.63 శాతం, బజాజ్ ఫైనాన్స్ 2.43 శాతం, బజాజ్ ఫిన్సర్వ్ 2.06 శాతం, హెచ్డీఎఫ్ సీ బ్యాంక్ 2.06 శాతం నష్టాలతో ఉన్నాయి.
ఇది కూడా చదవండి..: Global Markets Mixed | మిక్స్డ్గా గ్లోబల్ మార్కెట్లు.. గ్యాప్ డౌన్ ఓపెనింగ్ను సూచిస్తున్న గిఫ్ట్ నిఫ్టీ
