అక్షరటుడే, వెబ్డెస్క్: Texas Oil Refinery | అమెరికా అధ్యక్షుడు డొనాల్డ్ ట్రంప్ (Donald Trump) కీలక ప్రకటన చేశారు. టెక్సాస్ రాష్ట్రంలోని బ్రౌన్స్విల్లో కొత్త ఆయిల్ రిఫైనరీ నిర్మించనున్నట్లు ప్రకటించారు. టెక్సాస్లో అమెరికా మొదటి ఆయిల్ రిఫైనరీ నిర్మాణంగా పేర్కొన్నారు. ఈ మేరకు ఆయన తన సోషల్ మీడియా ‘ట్రూత్’లో పోస్టు చేశారు.
Texas Oil Refinery | అమెరికా ఎనర్జీ డామినెన్స్
కొత్త రిఫైనరీ అమెరికా మార్కెట్లకు (American markets) అవసరమైన ఇంధన సరఫరాను నిరంతరం కొనసాగించడం ద్వారా దేశ జాతీయ భద్రతను మరింత బలోపేతం చేస్తుందని ట్రంప్ పేర్కొన్నారు. ఇంధన ఉత్పత్తిని గణనీయంగా పెంచుతుందన్నారు. “అమెరికా నిజమైన ఎనర్జీ డామినెన్స్ వైపు మళ్లుతోంది. ఈరోజు నేను గర్వంగా ప్రకటిస్తున్నాను.. అమెరికా ఫస్ట్ రిఫైనింగ్ కంపెనీ 50 ఏళ్లలో దేశంలో మొదటి కొత్త ఆయిల్ రిఫైనరీని టెక్సాస్లోని బ్రౌన్స్విల్లో ప్రారంభించనుంది” అని రాసుకొచ్చారు. భారతదేశంలోని అతిపెద్ద ప్రైవేటు ఎనర్జీ సంస్థ రిలయన్స్ ఈ అపూర్వ పెట్టుబడి పెట్టనున్నందుకు ప్రత్యేక ధన్యవాదాలు తెలిపారు. కాగా.. రిలయన్స్ ఇండస్ట్రీస్ లిమిటెడ్ (Reliance Industries Limited) నుంచి దీనిపై ఇంకా అధికారిక స్పందన రాలేదు.
Texas Oil Refinery | ప్రాజెక్ట్ వివరాలివే..
అమెరికా ఫస్ట్ రిఫైనింగ్ కంపెనీ బ్రౌన్స్విల్ పోర్ట్ వద్ద నిర్మించనున్నారు. దీని ద్వారా దేశానికి అవసరమైన దీర్ఘకాలిక ఎనర్జీ సామర్థ్యం భారీగా పెరుగుతుందని భావిస్తున్నారు. కాగా.. 2026 సంవత్సరం రెండో త్రైమాసంలో దీని నిర్మాణం ప్రారంభం కానున్నట్లు తెలుస్తోంది.
Texas Oil Refinery | ఆర్థిక ప్రయోజనాలు, ఉద్యోగావకాశాలు
ఈ ప్రాజెక్ట్ నిర్మాణం ద్వారా బిలియన్ల డాలర్ల ఆర్థిక ప్రభావం చూపిస్తుందని, దక్షిణ టెక్సాస్ ప్రాంతంలో వేలాది కొత్త ఉద్యోగాలు సృష్టించనుందని ట్రంప్ వివరించారు. “మా అమెరికా ఫస్ట్ విధానాలు, అనుమతులను సులభతరం చేయడం, పన్నులను తగ్గించడం వల్లే బిలియన్ల డాలర్ల పెట్టుబడులు మళ్లీ అమెరికాకు వస్తున్నాయి” అని చెప్పారు.
ట్రంప్ కీలక నిర్ణయం.. రిలయన్స్తో భారీ డీల్ 🇺🇸🇮🇳
అమెరికాలోని టెక్సాస్లో భారీ ఆయిల్ రిఫైనింగ్ ప్రాజెక్టును మాజీ అధ్యక్షుడు డొనాల్డ్ ట్రంప్ ప్రకటించారు. దాదాపు 50 ఏళ్ల తర్వాత USలో ఏర్పాటవుతున్న తొలి రిఫైనరీ ఇదే కావడం విశేషం. సుమారు $300 బిలియన్ల విలువైన ఈ ప్రాజెక్టులో రిలయన్స్… pic.twitter.com/K2V2K1qSg0
— Tupaki (@tupaki_official) March 11, 2026
ఇది కూడా చదవండి..: Trump Warns Iran | దాడులు 20 రెట్లు పెరుగుతాయి.. ఇరాన్కు ట్రంప్ వార్నింగ్
