అక్షరటుడే, న్యూఢిల్లీ: March 13 Pre Market Analysis | పశ్చిమాసియాలో ఉద్రిక్తతల ప్రభావం ప్రపంచవ్యాప్తంగా కనిపిస్తోంది. క్రూడ్ ఆయిల్(Crude oil) ధరల పెరుగుదల కారణంగా ఇన్ఫ్లెషన్ భయాలతో స్టాక్ మార్కెట్లు కుదేలవుతున్నాయి. ప్రధాన స్టాక్ మార్కెట్లన్నీ నష్టాలతో సాగుతున్నాయి. గిఫ్ట్ నిఫ్టీ(Gift nifty) భారీ నష్టాలతో కొనసాగుతోంది. ఈ నేపథ్యంలో మన బెంచ్ మార్క్ సూచీలైన సెన్సెక్స్, నిఫ్టీ భారీ గ్యాప్ డౌన్ లో ప్రారంభమయ్యే అవకాశాలు కనిపిస్తున్నాయి.
March 13 Pre Market Analysis | యూఎస్ మార్కెట్లు..
గత సెషన్లో నాస్డాక్(Nasdaq) 1.78 శాతం, ఎస్ అండ్ పీ 1.52 శాతం నష్టపోయాయి. శుక్రవారం ఉదయం డౌజోన్స్ ఫ్యూచర్స్ మాత్రం 0.46 శాతం లాభంతో ఉంది.
March 13 Pre Market Analysis | యూరోప్ మార్కెట్లు..
ఫ్రాన్స్కు చెందిన సీఏసీ 0.72 శాతం, యూకేకు చెందిన ఎఫ్టీఎస్ఈ 0.47 శాతం, జర్మనీకి చెందిన డీఏఎక్స్(DAX) 0.21 శాతం శాతం నష్టపోయాయి.
ఆసియా మార్కెట్లు..
ప్రధాన ఆసియా మార్కెట్లన్నీ నష్టాలతో ట్రేడ్ అవుతున్నాయి. ఉదయం 7.45 గంటల ప్రాంతంలో జపాన్కు చెందిన నిక్కీ(Nikkei) 1.18 శాతం, తైవాన్ స్టాక్ ఎక్స్ఛేంజ్ 1.11 శాతం, సౌత్ కొరియాకు చెందిన కోస్పీ 1.00 శాతం, హాంగ్కాంగ్కు చెందిన హాంగ్సెంగ్ 0.40 శాతం, సింగపూర్కు చెందిన స్ట్రెయిట్ టైమ్స్ 0.22 శాతం, చైనాకు చెందిన షాంఘై 0.07 శాతం నష్టంతో ఉన్నాయి. గిఫ్ట్ నిఫ్టీ 0.63 శాతం నష్టంతో సాగుతోంది. ఈ నేపథ్యంలో మన మార్కెట్లు భారీ నష్టాలతో ప్రారంభం కానున్నాయి.
గమనించాల్సిన అంశాలు..
- ఎఫ్ ఐఐలు గత సెషన్లో నికరంగా రూ. 7,049 కోట్ల విలువైన స్టాక్స్ విక్రయించారు.
- డీఐఐలు నికరంగా రూ. 7,449 కోట్ల విలువైన స్టాక్స్ కొన్నారు.
- నిఫ్టీ పుట్కాల్ రేషియో(PCR) 0.83 నుంచి 0.86 కు పెరిగింది.
- విక్స్ 2.16 శాతం పెరిగి 21.52 కు చేరింది.
- డాలర్తో రూపాయి మారకం విలువ 15 పైసలు బలహీనపడి 92.19 వద్ద ఉంది.
- చమురు ట్యాంకర్లపై ఇరాన్ దాడులు చేస్తుండడంతో ముడి చమురు ధరలకు రెక్కలొస్తున్నాయి. బ్రెంట్ క్రూడ్ ఆయిల్ ధర బ్యారెల్కు 100.54 డాలర్లకు చేరింది.
