అక్షరటుడే, వెబ్డెస్క్: TVS Orbiter V1 | టీవీఎస్ మోటార్ కంపెనీ (TVS Motor Company) తన విద్యుత్ ద్విచక్ర వాహన శ్రేణిని మరింత విస్తరించింది. గతేడాది ఆర్బిటర్ పేరిట స్కూటర్ను లాంచ్ చేసిన కంపెనీ.. తాజాగా ఆర్బిటర్ వీ1 ను లాంచ్ చేసింది. ఇది 1.8 కేడబ్ల్యూహెచ్ బ్యాటరీ సామర్థ్యంతో వస్తోంది. వీ2 మోడల్ 3.1 కేడబ్ల్యూహెచ్ బ్యాటరీ సామర్థ్యంతో రానుంది. అర్బన్ రైడర్స్ కోసం ఈ స్కూటర్ను ప్రత్యేకంగా రూపొందించినట్లు కంపెనీ తెలిపింది.
TVS Orbiter V1 | బాస్ పద్ధతిలో..
వినియోగదారులకు అందుబాటు ధరలో స్కూటర్ను అందించడంలో భాగంగా బ్యాటరీ యాజ్ ఏ సర్వీస్ (బాస్) నమూనాతో ఈ మోడళ్లను అందిస్తోంది. బాస్ మోడల్లో వాహన ధర నుంచి బ్యాటరీ ధర తగ్గుతుంది. అంటే పూర్తి బ్యాటరీ ధరను ముందస్తుగా చెల్లించకుండా, బ్యాటరీ వినియోగం ఆధారంగా నెలవారీగా చెల్లించే అవకాశం లభిస్తుంది. దీనివల్ల ఆర్బిటర్ వీ1 మోడల్ స్కూటర్ రూ.49,999 కే (దిల్లీలో ఎక్స్ షోరూమ్ ధర) అందుబాటులో ఉంటుంది. ఈ ప్లాన్ ధరలు నెలకు రూ. 862 నుంచి ప్రారంభమవుతాయి. బాస్ను వినియోగించుకోని వినియోగదారులు రూ.84,500(బ్యాటరీతో సహా) చెల్లించాల్సి ఉంటుంది. ఆర్బిటర్ వీ2 మోడల్ ధర రూ.99,900గా నిర్ణయించారు.
TVS Orbiter V1 | రేంజ్, ఫీచర్స్..
టీవీఎస్ ఆర్బిటర్ వీ1 ఐడీసీ రేంజ్ 86 కిలోమీటర్లు కాగా.. ఆర్బిటర్ వీ2 158 కిలోమీటర్లుగా కంపెనీ పేర్కొంది. రెండింట్లోనూ 34 లీటర్ల అండర్ సీట్ స్టోరేజీ ఉంది.
5.5 అంగుళాల ఎల్సీడీ క్లస్టర్ ఉంది. టీవీఎస్ స్మార్ట్ (TVS Smart) కనెక్ట్ యాప్ ద్వారా బ్లూటూత్ కనెక్టివిటీ, కాల్/ఎస్సెమ్మెస్ అలర్ట్లు, టర్న్ బై టర్న్ నావిగేషన్ వంటి సదుపాయాలు పొందొచ్చు.
ఇది కూడా చదవండి..: March 13 Gold Prices | బంగారం, వెండి ధరల్లో భారీ తగ్గుదల.. ప్రధాన నగరాల్లో తాజా పరిస్థితి ఇదే!
