అక్షరటుడే, వెబ్డెస్క్ : HIV Injection Attack | పెళ్లికి నిరాకరించిందని యువతికి హెచ్ఐవీ ఇంజెక్షన్ ఇచ్చాడో యువకుడు. ఈ ఘటన హైదరాబాద్ నగరంలో చోటు చేసుకుంది.
నగరంలోని పోచారం (Pocharam)లో రాజు వెడ్స్ రాంబాయి (Raju Weds Rambai) సినిమా తరహా ఘటన చోటు చేసుకుంది. తనతో పెళ్లికి నిరాకరించిందని యువతికి ఎయిడ్స్ (AIDS) రక్తాన్ని ఇంజెక్షన్ ద్వారా ఓ యువకుడు ఎక్కించాడు. ఈ అమానుష ఘటన తీవ్ర కలకలం రేపుతోంది. పోచారం ఐటీ కారిడార్ పీఎస్ పరిధిలో ఉండే ఓ యువతికి వివాహం నిశ్చయం అయింది. సదరు యువకుడికి ఎయిడ్స్ ఉందని తెలియడంతో యువతి పెళ్లిని నో చెప్పింది.
HIV Injection Attack | ఇంటికి వెళ్లి..
యువతి పెళ్లికి నిరాకరించడంతో సదరు యువకుడు ఆమెపై కక్ష పెంచుకున్నాడు. ఈ నెల 11న యువతి ఇంటికి వెళ్లాడు. పెళ్లి చేసుకోవాలని ఆమెపై ఒత్తిడి చేశాడు. సదరు యువతి నిరాకరించడంతో వెంట తెచ్చుకున్న హైచ్ఐవీ రక్తం ఉన్న ఇంజెక్షన్ ఆమెకు ఎక్కించాడు. ఈ ఘటనపై బాధితురాలు పోలీసులకు ఫిర్యాదు చేసింది. ఈ మేరకు కేసు నమోదు చేసుకున్న పోలీసులు నిందితుడిని అదుపులోకి తీసుకున్నారు. రక్తం ఎక్కడి నుంచి తెచ్చాడు, దీని వెనుక మరెవరైనా ఉన్నారా అనే కోణంలో విచారణ చేస్తున్నారు. కాగా ఇటీవల విడుదలైన రాజు వెడ్స్ రాంబాయి సినిమాలో సైతం ఇలాంటి ఘటనే చోటు చేసుకుంది. ఈ క్రమంలో ఆ సినిమా స్ఫూర్తితో నిందితుడు ప్లాన్ వేసినట్లు సమాచారం.
దీనిని కూడా చదవండి : Rajampet Husband Arrested | భార్య ఉరి వేసుకుంటుంటే.. వీడియో తీసిన భర్త
