Maoists Surrender Odisha | మావోయిస్టులకు మరో ఎదురుదెబ్బ.. 11 మంది సరెండర్

అక్షరటుడే, వెబ్​డెస్క్​: మావోయిస్టు పార్టీకి మరో ఎదురు దెబ్బతగిలింది. లొంగుబాటు పరంపర కొనసాగుతోంది. ఇటీవల మావోస్టు అగ్రనేతలు వరుసగా సరెండర్​ అయిన విషయం తెలిసిందే.

Maoists Surrender Odisha | ఒడిశాలోని కలహాండి జిల్లాలో..

ఒడిశాలోని కలహాండి జిల్లాలో పలువురు మావోయిస్టులు లొంగిపోయారు. ఆ రాష్ట్ర డీజీపీ వై.బి. ఖురానియా సమక్షంలో డివిజనల్ కమిటీ సభ్యుడు నకుల్ సహా 11 మంది సరెండర్​ అయ్యారు. లొంగిపోయిన వారిలో ఐదుగురు ఏరియా కమిటీ మెంబర్లు, ఐదుగురు పార్టీ క్యాడర్లు ఉన్నారు.

Maoists Surrender Odisha | ఆయుధాల అప్పగింత

లొంగిపోయిన మావోయిస్టులు ఆయుధాలను పోలీసులకు అప్పగించారు. వీటిలో ఒక AK-47 రైఫిల్, ఒక ఇన్‌సాస్ (INSAS), నాలుగు ఎస్ఎల్ఆర్ (SLR) రైఫిళ్లు ఉన్నాయి. అలాగే మందుగుండు సామాగ్రి ఉంది. మహారాష్ట్రకు చెందిన నకుల్ ఒడిశా స్టేట్​ కమిటీలో డీసీఎంగా పనిచేస్తున్నారు. కాగా.. ఈయనపై రూ. 22 లక్షల రివార్డు ఉంది. వీరి టీం బసధారా–ఘుమ్షార్–నాగాబలి డివిజన్ పరిధిలో చురుకుగా ఉన్నట్లు అధికారులు వెల్లడించారు. మిగతా సభ్యులు ఛత్తీస్‌గఢ్ రాష్ట్రానికి చెందినవారిగా తెలిపారు.

ଡିଜିପିଙ୍କ ନିକଟରେ ୧୧ ମାଓବାଦୀଙ୍କ ଆତ୍ମସମର୍ପଣ#OdiNews #MaoistsSurrenderhttps://t.co/7XgbeyGrqG

— ZEE Odisha News (@ZeeOdisha) March 15, 2026

ఇది కూడా చదవండి..: Assembly Election Schedule | మోగిన నగారా.. పలు రాష్ట్రాల అసెంబ్లీ ఎన్నికలకు నోటిఫికేషన్​