అక్షరటుడే, న్యూఢిల్లీ: March 18 Pre Market Analysis | గత సెషన్లో యూఎస్(US), యూరోపియన్ మార్కెట్లు లాభాలతో ముగియగా.. బుధవారం ఉదయం ఆసియా మార్కెట్లు కూడా లాభాల బాటలో కొనసాగుతున్నాయి. గిఫ్ట్ నిఫ్టీ పాజిటివ్గా ఉంది. ఈ నేపథ్యంలో మన మార్కెట్లు కూడా గ్యాప్ అప్ లో ప్రారంభమయ్యే అవకాశాలున్నాయి.
March 18 Pre Market Analysis | యూఎస్ మార్కెట్లు..
గత సెషన్లో నాస్డాక్(Nasdaq) 0.47 శాతం, ఎస్ అండ్ పీ 0.25 శాతం పెరిగాయి. బుధవారం ఉదయం డౌజోన్స్ ఫ్యూచర్స్ సైతం 0.38 శాతం లాభంతో ఉంది.
March 18 Pre Market Analysis | యూరోప్ మార్కెట్లు..
యూకేకు చెందిన ఎఫ్టీఎస్ఈ 0.83 శాతం, జర్మనీకి చెందిన డీఏఎక్స్ 0.70 శాతం, ఫ్రాన్స్కు చెందిన సీఏసీ 0.48 శాతం లాభపడ్డాయి.
ఆసియా మార్కెట్లు..
చైనా మినహా ప్రధాన ఆసియా మార్కెట్లు లాభాల బాటలో సాగుతున్నాయి. ఉదయం 7.50 గంటల ప్రాంతంలో సౌత్ కొరియాకు చెందిన కోస్పీ(Kospi) 3.61 శాతం, జపాన్కు చెందిన నిక్కీ 2.22 శాతం, తైవాన్ స్టాక్ ఎక్స్ఛేంజ్ 1.54 శాతం, సింగపూర్కు చెందిన స్ట్రెయిట్ టైమ్స్ 0.70 శాతం, హాంగ్కాంగ్కు చెందిన హాంగ్సెంగ్ 0.08 శాతం లాభాలతో ఉన్నాయి. చైనాకు చెందిన షాంఘై 0.20 శాతం నష్టంతో ఉంది. గిఫ్ట్ నిఫ్టీ(Gift nifty) 0.35 శాతం లాభంతో కొనసాగుతుండటంతో మన మార్కెట్లు గ్యాప్ అప్ లో ప్రారంభం అయ్యే అవకాశాలు ఉన్నాయి.
గమనించాల్సిన అంశాలు..
- ఎఫ్ఐఐలు వరుసగా 13వ సెషన్లోనూ నికర అమ్మకందారులుగా ఉన్నారు. గత సెషన్లో నికరంగా రూ. 4,741 కోట్ల విలువైన స్టాక్స్ విక్రయించారు.
- డీఐఐలు వరుసగా 15వ సెషన్లోనూ నికర కొనుగోలుదారులుగా నిలిచారు. గత సెషన్లో నికరంగా రూ. 5,225 కోట్ల విలువైన స్టాక్స్ కొన్నారు.
- నిఫ్టీ పుట్కాల్ రేషియో(PCR) 1.09 నుంచి 1.03కి పడిపోయింది. పీసీఆర్ ఒకటిపైన ఉండటం మార్కెట్లో ఏర్పడిన బుల్లిష్ సెంటిమెంట్ను సూచిస్తోంది.
- విక్స్(VIX) 8.4 శాతం తగ్గి 19.79 వద్ద ఉంది. విక్స్ 18 కన్నా తక్కువకు వస్తేనే ఒడిదుడుకులు తగ్గే అవకాశాలుంటాయి.
- డాలర్తో రూపాయి మారకం విలువ 6 పైసలు బలపడి 92.37 వద్ద ఉంది.
- బ్రెంట్ క్రూడ్ ఆయిల్ ధర బ్యారెల్కు 102.79 డాలర్ల వద్ద ట్రేడ్ అవుతోంది.
- అమెరికా, ఇరాన్ల మధ్య యుద్ధం కొనసాగుతోంది. తమ దేశ జాతీయ చీఫ్ అలీ లారిజానీ మరణాన్ని ఇరాన్ ధ్రువీకరించింది. దీనిపై ఆ దేశం ఎలా స్పందిస్తుందోనన్న ఆందోళన నెలకొంది.
- యూఎస్ ఫెడ్(US Fed) పాలసీ మీటింగ్పై అందరి దష్టి ఉంది. ఈ ఏడాది మరో రెండుసార్లు వడ్డీ కోతలు ఉంటాయని యుద్ధానికి ముందు అంతా భావించారు. కానీ మారిన పరిస్థితుల నేపథ్యంలో ఫెడ్ ఏ నిర్ణయం తీసుకుంటుందోనని ఇన్వెస్టర్లు ఆసక్తితో ఎదురుచూస్తున్నారు.
