అక్షరటుడే, వెబ్డెస్క్ : WhatsApp Usernames Feature | ప్రముఖ మెసెజింగ్ యాప్ వాట్సాప్ కీలక నిర్ణయం తీసుకుంది. యూజర్నేమ్, ప్రత్యేక ఐడీలతో లాగిన్ అయ్యే విధంగా మార్పులు తీసుకు రానుంది. ప్రస్తుతం ఫోన్ నంబర్ ద్వారా వాట్సాప్ అకౌంట్ (WhatsApp Account) ఓపెన్ అవుతుంది. లాగిన్ కావాలన్న ఫోన్ నంబర్తోనే. ఈ క్రమంలో వాట్సాప్ వినియోగించాలంటే ప్రజలు తప్పనిసరిగా ఫోన్ నంబర్ ఇతరులతో పంచుకోవాలి.
ఫోన్ నంబర్ల నుంచి యూజర్నేమ్లు, ప్రత్యేక ఐడీలకు మారడంతో వాట్సాప్ తన ప్లాట్ఫామ్లో అతిపెద్ద మార్పునకు సిద్ధమవుతోంది. ఫోన్ నంబర్లను పంచుకోకుండానే సందేశాలు పంపడానికి, వాయిస్ లేదా వీడియో కాల్స్ చేయడానికి వీలవుతుందని సమాచారం. 2026 జూన్ నాటికి ప్రపంచవ్యాప్తంగా యూజర్నేమ్లను అందుబాటులోకి తీసుకురానుంది. ప్రస్తుతం ఫేస్బుక్, ఎక్స్, ఇన్స్టాగ్రామ్ (Instagram) వంటి ప్లాట్ఫామ్లు యూజర్నేమ్, పాస్వర్డ్తో లాగిన్ అయ్యే అవకాశం కల్పించాయి. ఇదే మాదిరిగా వాట్సాప్ కూడా అమలు చేయనుంది.
WhatsApp Usernames Feature | నంబర్ ఇవ్వకుండానే..
ప్రజలు తమ ఫోన్ నంబర్లను పంచుకోవాల్సిన అవసరం లేకుండా కొత్త స్నేహితులు, గ్రూపులు, వ్యాపారాలతో కనెక్ట్ అవ్వడానికి సహాయపడేలా భవిష్యత్తులో వాట్సాప్కు యూజర్నేమ్లను తీసుకురానున్నట్లు కంపెనీ ప్రతినిధి ఒకరు తెలిపారు. ఈ ఫీచర్ ప్రజలకు అదనపు గోప్యతను అందిస్తుందన్నారు. వాట్సాప్లో వ్యాపారాలను సంప్రదించడాన్ని సులభతరం చేస్తుందని పేర్కొన్నారు.
WhatsApp Usernames Feature | వ్యాపార నమూనాలో మార్పు
వాట్సాప్ వ్యాపారాల కోసం ‘డైనమిక్ ప్రైసింగ్'(Dynamic Pricing) ను కూడా తీసుకు రానుంది. వాట్సాప్ ఇప్పటికే ఛానెల్స్, కమ్యూనిటీలు, స్టేటస్ యాడ్స్ వంటి ఫీచర్ల ద్వారా డబ్బు సంపాదిస్తోంది. వాట్సాప్ ప్లాట్ఫామ్లో చేస్తున్న సమగ్ర మార్పుల ముఖ్య ఉద్దేశ్యం ప్రకటనల ద్వారా వచ్చే ఆదాయాన్ని పెంచుకోవడం, ఏఐ-ఆధారిత సంభాషణలకు సిద్ధమవ్వడం అని సమాచారం. 50 కోట్లకు పైగా వినియోగదారులతో బ్రెజిల్తో పాటు భారతదేశం వాట్సాప్కు అత్యధిక ఆదాయం తెచ్చిపెట్టే మార్కెట్లలో ఒకటిగా ఉంది.
ఇది కూడా చదవండి..: White Hair Myth | తెల్ల జుట్టును పీకేస్తే ఎక్కువ అవుతాయా.. అసలు నిజం ఇదే!
