అక్షరటుడే, వెబ్డెస్క్: KTR Congress Guarantees | అసెంబ్లీ ఎన్నికల్లో (Assembly Elections) కాంగ్రెస్ పార్టీ ఓట్ల కోసం కోటి తిప్పలు పడిందని.. బీఆర్ఎస్ వర్కింగ్ ప్రెసిడెంట్ కేటీఆర్ విమర్శించారు. ఆరు గ్యారంటీల పేరుతో రాష్ట్రంలో కాంగ్రెస్ పార్టీ (Congress Party) ఓట్లు కొట్టేసి.. 4 కోట్ల మందికి టోపీ పెట్టిందని విమర్శించారు. హైదరాబాద్ (Hyderabad)లోని బీఆర్ఎస్ కార్యాలయంలో శనివారం విలేకరులతో మాట్లాడారు.
KTR Congress Guarantees | అరగ్యారంటీ అయినా అమలైందా..?
అధికారంలో వచ్చిన అనంతరం ఆరు గ్యారంటీల్లో అర గ్యారంటీ కూడా అమలైందా అని కేటీఆర్ ప్రశ్నించారు. ఆరు గ్యారెంటీల అమలుకు అవసరమైన నిధులను ప్రభుత్వం కేటాయించలేదన్నారు. నిధుల మంజూరుకు ప్రభుత్వంపై ఒత్తిడి పెంచుతామని పేర్కొన్నారు. ఆరు గ్యారెంటీల అమలులో కాంగ్రెస్ ప్రభుత్వం (Congress Government) విఫలమైందన్నారు. ఆరు గ్యారెంటీల చట్టబద్ధత కోసం ప్రైవేటు బిల్లును అసెంబ్లీలో ప్రవేశపెడతామని చెప్పారు.
KTR Congress Guarantees | ప్రమాణస్వీకారం రోజునే సంతకం
ముఖ్యమంత్రిగా రేవంత్రెడ్డి (CM Revanth Reddy) ప్రమాణస్వీకారం రోజున ఆరు గ్యారంటీల దస్త్రంపై సంతకం చేశారని కేటీఆర్ (KTR) గుర్తు చేశారు. అభయహస్తం పథకంపై సీఎం తొలి సంతకం చేశారని వివరించారు. కానీ సీఎం సంతకం చేసిన దస్త్రం కనిపించకుండా పోయిందన్నారు.
KTR Congress Guarantees | ఆరు గ్యారంటీలపై ప్రైవేటు మెంబర్ బిల్లు
ఆరు గ్యారంటీలపై చట్టబద్ధత కోరుతూ ప్రైవేటు మెంబర్ బిల్లు ప్రవేశపెట్టనున్నామని కేటీఆర్ ప్రకటించారు. శాసనసభలో వచ్చే శుక్రవారం ప్రైవేటు బిల్లు పెట్టాలని నిర్ణయించామని తెలిపారు. అందుకు అనుమతి ఇవ్వాలని స్పీకర్ను కోరుతున్నామన్నారు.
Live: తెలంగాణ భవన్లో బీఆర్ఎస్ వర్కింగ్ ప్రెసిడెంట్ @KTRBRS మీడియా సమావేశం. https://t.co/l4JN4VMhKh
— BRS Party (@BRSparty) March 21, 2026
ఇది కూడా చదవండి..: Jeevan Reddy Resignation | మాజీ మంత్రి జీవన్రెడ్డి దారెటు.. ఈ నెల 25న రాజీనామా!
