Global Crisis Warning | ప్రపంచం సంక్షోభాన్ని ఎదుర్కొంటుంది : రక్షణ మంత్రి రాజ్​నాథ్​

అక్షరటుడే, వెబ్​డెస్క్ : Global Crisis Warning | పశ్చిమాసియాలో ఉద్రిక్తతలపై రక్షణ మంత్రి రాజ్​నాథ్​ సింగ్ (Rajnath Singh)​ స్పందించారు. ప్రస్తుతం ప్రపంచం సంక్షోభాన్ని ఎదుర్కొంటుందని ఆయన పేర్కొన్నారు. ఈ యుద్ధం భారత్​కే కాదు, ప్రపంచానికే ఆందోళనకర విషయమన్నారు.

ప్రధాని మోదీ (PM Modi) ఇరాన్​ అధ్యక్షుడితో మాట్లాడిన విషయం తెలిసిందే. దీనిపై ఉత్తరాఖండ్​లో జరిగిన సభలో రక్షణ మంత్రి స్పందించారు. భారత వైఖరిని ప్రధాని చెప్పారన్నారు. చర్చలు, దౌత్యంతో సమస్యలను పరిష్కరించుకోవాలని మోదీ సూచించినట్లు తెలిపారు. ఇంధన, ఎరువుల సంక్షోభాన్ని ఎదుర్కొనేందుకు ప్రధాని మోదీ ప్రయత్నిస్తున్నారని రాజ్​నాథ్​ సింగ్​ పేర్కొన్నారు. ఈ ప్రపంచ సమస్యకు సంభాషణలు, దౌత్యపరమైన ప్రయత్నాల ద్వారానే పరిష్కారం కనుగొనాలని సూచించారు.

Global Crisis Warning | ప్రధాని నాయకత్వంలో..

ఈ సంక్షోభాన్ని పరిష్కరించడానికి ప్రధాని చేస్తున్న కృషికి దేశ ప్రజలు మద్దతు తెలపాలని రాజ్​నాథ్​ సింగ్​ కోరారు. మోదీ నాయకత్వంతో ప్రపంచ వేదికపై భారతదేశ గౌరవాన్ని శిఖరాగ్రానికి చేర్చారన్నారు. నేడు అంతర్జాతీయ వేదికలపై భారత్​ మాట్లాడినప్పుడు ప్రపంచం మొత్తం అత్యంత ఏకాగ్రతతో ఆలకిస్తుంది అని పేర్కొన్నారు.

Global Crisis Warning | ధురంధర్​ ధామి

ఉత్తరాఖండ్ ముఖ్యమంత్రి పుష్కర్ సింగ్ ధామి నాయకత్వ సామర్థ్యాలను కొనియాడుతూ “ధురంధర్ ధామి”గా రక్షణ మంత్రి అభివర్ణించారు. రాష్ట్ర అభివృద్ధికి ఆయనే కారణమని పేర్కొన్నారు. ఉత్తరప్రదేశ్ ముఖ్యమంత్రిగా తాను పనిచేసిన కాలాన్ని కూడా సింగ్ గుర్తుచేసుకున్నారు. ఆ సమయంలోనే ఉత్తరాఖండ్ రాష్ట్రం ఏర్పడిందన్నారు.

దీనిని కూడా చదవండి : Modi Iran Call | ఇరాన్​ అధ్యక్షుడితో మాట్లాడిన ప్రధాని మోదీ