అక్షరటుడే, వెబ్డెస్క్ : Vaishnavi Murder Case | జగిత్యాల జిల్లా (Jagtial District)లో సంచలనం రేపిన వైష్ణవి హత్య కేసు రోజుకో మలుపు తిరుగుతోంది. ఈ కేసులో ప్రధాన నిందితుడిగా ఉన్న భర్త హరిబాబు ప్రవర్తన ఇప్పుడు కొత్త అనుమానాలకు తావిస్తోంది. కేసు విచారణ కొనసాగుతున్న సమయంలో హరిబాబు అనూహ్యంగా అస్వస్థతకు గురికావడం, ఆసుపత్రిలో వైద్యులకు సహకరించకపోవడం చర్చనీయాంశంగా మారింది.
వైష్ణవి మరణం తర్వాత కేసు తీవ్రత పెరగడంతో హరిబాబు తీవ్ర భయాందోళనకు గురైనట్లు తెలుస్తోంది. నిన్న అకస్మాత్తుగా ఆరోగ్యం క్షీణించడంతో అతడిని జగిత్యాల ప్రభుత్వ ఆసుపత్రి (Jagtial Government Hospital)కి తరలించారు. అయితే అక్కడ కూడా అతను వైద్యుల సూచనలకు సహకరించకపోవడంతో పరిస్థితి ఉద్రిక్తంగా మారింది. దీంతో వైద్యులు బలవంతంగా అవసరమైన అన్ని పరీక్షలు నిర్వహించాల్సి వచ్చినట్లు సమాచారం.
Vaishnavi Murder Case | మానసిక ఒత్తిడి, భయం వల్లే ఇలాంటి ప్రవర్తన
ప్రాథమిక పరిశీలనలో హరిబాబు మానసిక ఒత్తిడి, భయం వల్లే ఇలాంటి ప్రవర్తన చూపుతున్నట్లు వైద్యులు గుర్తించారు. గత కొన్ని రోజులుగా నిద్రలేమి, సరైన ఆహారం తీసుకోకపోవడం వల్ల అతని ఆరోగ్యం దెబ్బతిన్నట్లు తెలిపారు. ముఖ్యంగా తీవ్రమైన తలనొప్పితో బాధపడుతున్నానని హరిబాబు ఫిర్యాదు చేయడంతో, అతడిని ప్రత్యేక నిఘాలో ఉంచి చికిత్స అందించారు. దాదాపు పది గంటల పాటు ఆసుపత్రి పరిసరాలు హై టెన్షన్ వాతావరణంతో నిండిపోయాయి.అయితే అన్ని పరీక్షల అనంతరం హరిబాబు ఆరోగ్య పరిస్థితి స్థిరంగానే ఉందని, ప్రాణాపాయం ఏమీ లేదని వైద్యులు స్పష్టం చేశారు. కేవలం మానసిక ఒత్తిడి, చట్టపరమైన పరిణామాల భయం కారణంగానే అతను ఇలా ప్రవర్తిస్తున్నాడని తేల్చారు. కేసులో ఎదురయ్యే శిక్షపై ఉన్న ఆందోళన అతడిని తీవ్రంగా కలవరపెడుతున్నట్లు పోలీసుల విచారణ (Police Interrogation)లో బయటపడింది.
Vaishnavi Murder Case | హరిబాబును తిరిగి జైలుకు
వైద్య నివేదికలు సానుకూలంగా రావడంతో పోలీసులు హరిబాబును తిరిగి జైలుకు తరలించారు. ఇదిలా ఉంటే, హరిబాబు ఆరోగ్య సమస్యలు నిజంగానే ఉన్నాయా? లేక విచారణను ఆలస్యం చేయడానికి ప్రయత్నిస్తున్నాడా? అనే అనుమానాలు ప్రజల్లో చర్చనీయాంశంగా మారాయి. వైష్ణవి హత్య కేసు విచారణ కీలక దశలో ఉండగా, ఈ పరిణామాలు కేసుకు మరింత ఉత్కంఠను జోడిస్తున్నాయి.
ఇది కూడా చదవండి..: SSC Exam Rules | ఎస్ఎస్సీ పేపర్ లీకేజీ వ్యవహారం.. పర్యవేక్షణ మరింత కఠినతరం!
