అక్షరటుడే, వెబ్డెస్క్ : Trump Iran Announcement | అమెరికా అధ్యక్షుడు డొనాల్డ్ ట్రంప్ (Donald Trump) కీలక ప్రకటన చేశారు. ఇరాన్ విద్యుత్ కేంద్రాలపై ఐదు రోజుల వరకు దాడులు చేయబోమన్నారు. ఈ మేరకు సంబంధిత అధికారులను ఆదేశించినట్లు పేర్కొన్నారు.
రెండు రోజులుగా ఇరాన్ (Iran)తో చర్చలు సానుకూల వాతావరణంలో జరుగుతున్నాయని వెల్లడించారు. పూర్తిస్థాయిలో సమస్యను పరిష్కరించే దిశగా సాగుతున్నామని తన సోషల్ మీడియా (Social Media) ‘ట్రూత్’లో పోస్ట్ చేశారు.
Trump Iran Announcement | సానుకూలంగా సంభాషణల నేపథ్యంలో..
యునైటెడ్ స్టేట్స్ ఆఫ్ అమెరికా (United States of America), ఇరాన్ మధ్య గత రెండు రోజుల్లో జరిగిన సంభాషణలు అత్యంత సానుకూలంగా, ఫలప్రదంగా ఉన్నాయని ట్రంప్ తెలిపారు. ఈ సంభాషణలు మధ్యప్రాచ్య ప్రాంతంలో శత్రుత్వాలను పూర్తిగా ముగించడానికి ఉద్దేశించినవని పేర్కొన్నారు. చర్చల్లో సానుకూలత కనిపింస్తోందని.. ఈ వారం కూలంకశంగా చర్చలు కొనసాగుతాయన్నారు.
Trump Iran Announcement | యుద్ధ శాఖకు కీలక ఆదేశాలు
చర్చల్లో పురోగతి ఉన్న నేపథ్యంలో అధ్యక్షుడు డొనాల్డ్ ట్రంప్.. ‘డిపార్ట్మెంట్ ఆఫ్ వార్’కు కీలక ఆదేశాలు జారీ చేశారు. ఇరాన్లోని విద్యుత్ కేంద్రాలు, ఇతర శక్తి మౌలిక సదుపాయాలపై దాడులను ఐదు రోజుల కాలం పాటు వాయిదా వేయాలని ఆదేశించారు. కాగా.. ఈ వాయిదా చర్చలు ఎలా జరుగుతాయనేదానిపై ఆధారపడి ఉంటుందని స్పష్టం చేశారు.
US President Donald Trump posts on Truth Social, “…I have instructed the Department of War to postpone any and all military strikes against Iranian power plants and energy infrastructure for a five day period, subject to the success of the ongoing meetings and discussions” pic.twitter.com/N3Bavc4ylv
— ANI (@ANI) March 23, 2026
ఇది కూడా చదవండి..: Pakistan Fuel Crisis | పాకిస్థాన్లో ఇంధన సంక్షోభం.. భారీగా పెరిగిన ధరలు
