అక్షరటుడే, న్యూఢిల్లీ: Sonia Gandhi Health | కాంగ్రెస్ పార్టీ సీనియర్ నేత Sonia Gandhi అస్వస్థతకు గురయ్యారు. ఆరోగ్య సమస్యలు తలెత్తడంతో ఆమెను వెంటనే ఢిల్లీలోని Sir Ganga Ram Hospital కు తరలించారు.
Sonia Gandhi Health | సమగ్ర పరీక్షలు
సోనియా వెంట ఆమె కుమారుడు Rahul Gandhi, కుమార్తె Priyanka Gandhi ఆసుపత్రికి చేరుకున్నారు. వైద్యులతో సంప్రదింపులు జరుపుతున్నారు. ఆమెకు వైద్యులు సమగ్ర పరీక్షలు నిర్వహిస్తూ, అవసరమైన చికిత్స అందిస్తున్నట్లు సమాచారం.
నిలకడగా ఆరోగ్యం..
ఆసుపత్రి వర్గాల ప్రాథమిక సమాచారం ప్రకారం.. ప్రస్తుతం సోనియా గాంధీ ఆరోగ్య పరిస్థితి స్థిరంగా ఉన్నట్లు తెలుస్తోంది. ఆందోళన చెందాల్సిన అవసరం లేదని ఆసుపత్రి వర్గాలు పేర్కొన్నాయి. కాగా, కొద్ది రోజులు వైద్య పర్యవేక్షణలోనే ఆమెను ఉంచే అవకాశమున్నట్లు తెలుస్తోంది.
ఇదిలా ఉండగా, సోనియా గాంధీ ఆరోగ్యంపై కాంగ్రెస్ నేతలు, కార్యకర్తలు ఆరా తీస్తున్నారు. పలువురు జాతీయ స్థాయి నాయకులు ఫోన్ ద్వారా పరిస్థితిని తెలుసుకుంటున్నారు. సోనియా గాంధీ ఆరోగ్యంపై అధికారికంగా మరిన్ని వివరాలు వెలువడాల్సి ఉంది.
