అక్షరటుడే, వెబ్డెస్క్: Iran Currency Collapse | అణు కార్యక్రమం విషయంలో అమెరికా (America)తో ఏర్పడిన విభేదాలు ఇరాన్ ఆర్థిక వ్యవస్థను నాశనం చేశాయి. అగ్రరాజ్యం ఎడాపెడా ఆంక్షలు విధించడంతో ఆ దేశ కరెన్సీ విలువ దారుణంగా పడిపోతోంది. గతనెల 28న ఇరు దేశాల మధ్య యుద్ధం ప్రారంభమైన తర్వాత పరిస్థితి మరింత దారుణంగా మారింది.
ఆ దేశ కరెన్సీ రియాల్ (Currency Rial) విలువ ఎంతగా పడిపోయిందంటే తాజాగా విడుదల చేసిన 10 మిలియన్ల రియాల్ నోటు విలువ ఏడున్నర డాలర్లు. భారత కరెన్సీలో ఈ నోటు విలువ రూ. 713 కావడం గమనార్హం. అంటే ఒక భారత రూపాయి విలువ 14,017 రియాల్స్కు సమానం అన్నమాట.
Iran Currency Collapse | ఆంక్షలతో కుప్పకూలిన ఆర్థిక వ్యవస్థ
యుద్ధ భయాలతోపాటు అంతర్జాతీయ ఆంక్షలు ఇరాన్ (Iran) బ్యాంకింగ్ వ్యవస్థను కుప్పకూల్చాయి. దీంతో ఆ దేశం తీవ్ర నగదు కొరతను ఎదుర్కొంటోంది. ద్రవ్యోల్బణం రికార్డు స్థాయికి పడిపోయింది. ఆహార ద్రవ్యోల్బణం అక్టోబర్ 2025లో 64 శాతం ఉండగా, ఫిబ్రవరి 2026 నాటికి అది ఏకంగా 105 శాతానికి పెరిగింది. పెరుగుతున్న ద్రవ్యోల్బణం కారణంగా సామాన్య ప్రజలు చిన్న వస్తువులు కొనాలన్నా సంచుల కొద్దీ నగదు తీసుకెళ్లాల్సిన పరిస్థితి ఏర్పడింది. ఈ ఇబ్బందులను తగ్గించడానికి ఇరాన్ ప్రభుత్వం (Iranian Government) కొత్త నోట్లను ముద్రిస్తోంది. తాజాగా 10 మిలియన్ రియాల్ నోటును తీసుకువచ్చింది. ఇది ఆ దేశ చరిత్రలోనే అత్యధిక విలువ కలిగిన నోటు. ఆ దేశంలో దీని విలువ 10 మిలియన్లు అయినా.. మారకం విలువ 7.5 డాలర్లు కావడం గమనార్హం. ఇది ఆ దేశ ఆర్థిక వ్యవస్థ ఎంతగా బలహీనపడిందో స్పష్టం చేస్తోంది.
Iran Currency Collapse | కరెన్సీ నిల్వలు లేక ఇక్కట్లు..
ఇరాన్ దేశంలోని ప్రధాన బ్యాంకులు మొండి బకాయిలతో మూతపడ్డాయి. బ్యాంకింగ్ వ్యవస్థ మొత్తం ఒక రకమైన ‘పాంజీ స్కీమ్’ (Ponzi Scheme) లా మారిందని, వాస్తవ ఆస్తులు లేకుండా కేవలం కాగితపు లాభాలను చూపిస్తున్నారని నిపుణులు పేర్కొంటున్నారు. మరోవైపు బ్యాంకులపై నమ్మకం పోవడంతో ప్రజలు నగదును ఇళ్లలోనే నిల్వ చేసుకుంటున్నారు, ఇది మార్కెట్లో మరింత అస్థిరతకు కారణమవుతోంది. బ్యాంకుల వద్ద నోట్ల నిల్వలు లేని కారణంగా ప్రజలు ఏటీఎంల వద్ద గంటల తరబడి వేచి చూడాల్సి వస్తోంది. ప్రస్తుతం ఒక వ్యక్తి రోజుకు 30 డాలర్లలోపు మాత్రమే విత్డ్రా చేయడానికి అవకాశం ఉంది.
ఇది కూడా చదవండి..: Modi Trump Call | ప్రధాని మోదీకి ట్రంప్ ఫోన్.. పశ్చిమాసియా ఉద్రిక్తతలపై చర్చ
