అక్షరటుడే, హైదరాబాద్: ALLEN India Campaign | ఉన్నత చదువుల దిశగా అడుగులు వేస్తున్న అమ్మాయిలకు అలెన్ కెరీర్ ఇన్స్టిట్యూట్ (ALLEN Career Institute) అద్భుతమైన శుభవార్త చెప్పింది. అంతర్జాతీయ మహిళా దినోత్సవాన్ని పురస్కరించుకుని విద్యార్థినుల అకడమిక్ కలలను నిజం చేసేందుకు మార్చి 8 నుంచి 14 వరకు ప్రత్యేక ప్రచార కార్యక్రమాన్ని నిర్వహిస్తోంది. “Just Dare Her to Dream” అనే లక్ష్యంతో సాగే ఈ క్యాంపెయిన్ ద్వారా నీట్, జేఈఈ వంటి కఠినమైన పోటీ పరీక్షలకు సిద్ధమయ్యే అమ్మాయిలకు భారీ రాయితీలు, అకడమిక్ సాయం అందించనుంది.
ప్రస్తుత కాలంలో మెడిసిన్, ఇంజనీరింగ్ వంటి రంగాల్లో అమ్మాయిలు అద్భుతాలు సృష్టిస్తున్నారు. జాతీయ స్థాయి ప్రవేశ పరీక్షల్లో విద్యార్థినుల భాగస్వామ్యం ఏటా పెరుగుతున్న దృష్ట్యా, వారికి మరింత ప్రోత్సాహం అందించి సైన్స్ అండ్ టెక్నాలజీ (STEM) రంగాల్లో తిరుగులేని నాయకులుగా తీర్చిదిద్దడమే అలెన్ ప్రధాన ఉద్దేశం.
ALLEN India Campaign | ఫీజులో రాయితీ.. చదువులో నాణ్యత
దక్షిణాది అలెన్ విభాగం హెడ్ మహేష్ యాదవ్ తెలిపిన వివరాల ప్రకారం.. ఈ వారం రోజుల్లో అడ్మిషన్ తీసుకునే విద్యార్థినులకు ప్రత్యేక సౌకర్యాలు కల్పిస్తున్నారు. కేవలం మార్కుల ఆధారంగా ఇచ్చే 90% స్కాలర్షిప్లతో పాటు, మహిళా దినోత్సవ కానుకగా అదనంగా మరో 8 శాతం ఫీజు రాయితీని కూడా సంస్థ ప్రకటించింది.
అంతేకాకుండా, దాదాపు రూ. 30,000 విలువ చేసే రికార్డెడ్ వీడియో పాఠాలను విద్యార్థినులకు ఉచితంగా అందజేయనున్నారు. చదువుతో పాటు విద్యార్థినుల్లో ఆత్మవిశ్వాసం పెంచేందుకు ఉచిత అకడమిక్ అనాలిసిస్ టెస్టులు, నిపుణులైన మెంటార్లతో కౌన్సెలింగ్ సెషన్లను అలెన్ నిర్వహిస్తోంది.
ALLEN India Campaign | టాపర్ల వేదికగా దక్షిణాది కేంద్రాలు
హైదరాబాద్, విశాఖపట్నం, విజయవాడ, బెంగళూరు, చెన్నై వంటి నగరాల్లోని అలెన్ సెంటర్లు ఇప్పటికే ఎంతోమంది అమ్మాయిలను జాతీయ స్థాయి ర్యాంకర్లుగా తీర్చిదిద్దాయి. గ్రామీణ ప్రాంతాల్లోని ప్రతిభావంతులైన విద్యార్థినులకు కూడా అత్యున్నత స్థాయి కోచింగ్ అందాలనే లక్ష్యంతో ఈ ప్రోత్సాహకాలను అమలు చేస్తున్నట్లు సంస్థ పేర్కొంది. సరైన మార్గదర్శకత్వం తోడైతే అమ్మాయిలు ఏదైనా సాధించగలరని అలెన్ ఈ కార్యక్రమం ద్వారా మరోసారి చాటిచెబుతోంది.
ఇది కూడా చదవండి..: GeeVees 2026 | గోద్రెజ్ GeeVees 2026 విజేతలు వీరే.. ఆర్కిటెక్చర్ రంగంలో మెరిసిన ప్రతిభావంతులు!
