అక్షరటుడే, వెబ్డెస్క్ : Ameenpur HYDRAA demolitions | సంగారెడ్డి (Sangareddy) జిల్లా అమీన్పూర్లో హైడ్రా (Hydraa) కూల్చివేతలు ముగిశాయి. గ్రామంలో ప్రభుత్వ భూముల ఆక్రమణలపై హైడ్రా శనివారం భారీ ఆపరేషన్ చేపట్టిన విషయం తెలిసిందే. వందలాది మంది పోలీసు బందోబస్తు మధ్య రెవెన్యూ, జీహెచ్ఎంసీ (GHMC), హైడ్రా అధికారులు ఆక్రమణల తొలగింపు పనులు చేపట్టారు.
న్యాయవాది ముఖీమ్ ప్రభుత్వ స్థలంలో ఆక్రమంగా నిర్మించిన ఫామ్హౌజ్తో పాటు అతడి సోదరుడు అజీం నిర్మించిన ఆరు అంతస్తుల బిల్డింగ్ను హైడ్రా అధికారులు తొలగించారు. ఆదివారం సాయంత్రం వరకు కూల్చివేతలు కొనసాగాయి. శనివారం ఉదయం మొదలు పెట్టిన కార్యక్రమం రాత్రి వరకు కొనసాగింది. రాత్రి పూట ఆపేసి ఆదివారం ఉదయం మళ్ళీ హైడ్రా ప్రారంభించింది.
Ameenpur HYDRAA demolitions | ఫెన్సింగ్ ఏర్పాటు
ముఖీమ్ సోదరుడు అజీమ్ అక్రమంగా నిర్మించిన 6 అంతస్తుల భవనం 90 శాతం తొలగించినట్లు హైడ్రా అధికారులు తెలిపారు. పక్కనే ఉన్న అపార్టుమెంట్లకు ఎలాంటి నష్టం జరగకుండా చర్యలు చేపట్టామన్నారు. కాగా ఈ భవనం కూల్చి వేస్తుండగా శిథిలాల పక్కన అపార్ట్మెంట్లో పడి స్వల్పంగా పైప్లైన్లు ధ్వంసం అయ్యాయి. గ్రామంలోని 861 ఎకరాల చుట్టు ఫెన్సింగ్ వర్క్ జరుగుతోందని అధికారులు తెలిపారు. హైడ్రా అధికారులు దగ్గరుండి ఈ ఆక్రమణ తొలగింపు, ఫెన్సింగ్ నిర్మాణ పనులు పర్యవేక్షిస్తున్నారు.
దీనిని కూడా చదవండి : E Cigarette Racket | ఈ-సిగరెట్ల దందా గుట్టురట్టు
