అక్షరటుడే, వెబ్డెస్క్ : American Pilot Rescue | ఇరాన్ (Iran)లో చిక్కుకుపోయిన అమెరికన్ పైలెట్ను రక్షించినట్లు అమెరికా అధ్యక్షుడు డోనాల్డ్ ట్రంప్ (Donald Trump) తెలిపారు. ఇటీవలి కాలంలో జరిగిన అత్యంత సాహసోపేతమైన మిషన్లలో ఇది ఒకటని అభివర్ణించారు.
అమెరికాకు చెందిన రెండు యుద్ధ విమానాలను ఇరాన్ ఇటీవల కూల్చి వేసిన విషయం తెలిసిందే. ఎఫ్-15 యుద్ధ విమానాన్ని కూల్చివేయడంతో ఆ వైమానిక దళ సైనికుడు అదృశ్యమయ్యాడు. పైలట్ను అంతకుముందే రక్షించినప్పటికీ, రెండవ పైలెట్ సభ్యుడి ఆచూకీ తెలియకపోవడంతో, విస్తృతమైన గాలింపు చర్యలు చేపట్టారు. ఈ క్రమంలో అతడిని రక్షించినట్లు అని ట్రంప్ సోషల్ మీడియాలో పోస్ట్ చేశారు.
American Pilot Rescue | రెండు రోజులు..
ఆ పైలెట్ ఇరాన్ బలగాల నుంచి తప్పించుకుంటూ దాదాపు రెండు రోజుల పాటు శత్రు భూభాగంలో ప్రాణాలతో ఉన్నాడు. అతడి కోసం ఇరాన్ సైనికులు గాలిస్తున్నా.. భయపడకుండా.. జీపీఎస్ (GPS) ట్రాకర్, బీకన్, ఎన్క్రిప్టెడ్ రేడియో వంటి పరికరాలను ఉపయోగించి అమెరికా దళాలతో సంప్రదింపులు కొనసాగించాడు. దీంతో అమెరికా బృందాలు అతడు ఎక్కడ ఉన్నాడో గుర్తించి.. కాపాడాయి.
American Pilot Rescue | ప్రమాదకరమైన ఆపరేషన్
ఈ రెస్క్యూ ఆపరేషన్ తన ఆదేశాల మేరకు జరిగిందని ట్రంప్ తెలిపారు. ఈ మిషన్ కోసం “ప్రపంచంలోనే అత్యంత ప్రాణాంతకమైన ఆయుధాలతో కూడిన డజన్ల కొద్దీ విమానాలను” మోహరించామన్నారు. ఆపరేషన్ సమయంలో కాల్పులు చోటు చేసుకున్నట్లు అమెరికా అధికారులు తెలిపారు. సైనిక చరిత్రలో, శత్రు భూభాగంలోకి చాలా లోతుగా వెళ్లిన ఇద్దరు అమెరికా పైలట్లను వేర్వేరుగా రక్షించడం ఇదే మొదటిసారి అని ఆయన అన్నారు. శత్రుదేశంలో చిక్కుకున్న వారిని కాపాడటం గొప్ప విజయం అని పేర్కొన్నారు.
🚨“WE GOT HIM! My fellow Americans, over the past several hours, the United States Military pulled off one of the most daring Search and Rescue Operations in U.S. History, for one of our incredible Crew Office Members, who also happens to be a highly respected Colonel, and who I… pic.twitter.com/FNPWV6MPvA
— The White House (@WhiteHouse) April 5, 2026
ఇది కూడా చదవండి : Trump Warns Iran | హార్ముజ్ జలసంధిపై ఇరాన్కు మరోసారి ట్రంప్ సీరియస్ వార్నింగ్..
