అక్షరటుడే, న్యూఢిల్లీ: April 07 Pre Market Analysis | హార్మూజ్ జలసంధి(Strait of Hormuz) విషయంలో అమెరికా, ఇరాన్ల మధ్య హెచ్చరికలు, ప్రతి హెచ్చరికల నేపథ్యంలో ఇన్వెస్టర్లు ఆచితూచి వ్యవహరిస్తున్నారు. అయినా సీజ్ ఫైర్పై ఆశలతో గ్లోబల్ మార్కెట్లు(Global markets) మిక్స్డ్గా ఉన్నాయి.
గిఫ్ట్ నిఫ్టీ నెగెటివ్గా ఉండడంతో మన మార్కెట్లు గ్యాప్ డౌన్ లో ప్రారంభం కానున్నాయి. గత సెషన్లో యూఎస్ మార్కెట్లు లాభాలతో ముగిశాయి. సెలవుల కారణంగా హాంగ్కాంగ్తోపాటు యూరోపియన్ మార్కెట్లు మూసి ఉన్నాయి.
ఆసియా మార్కెట్లు మంగళవారం ఉదయం మిక్స్డ్గా సాగుతున్నాయి. గిఫ్ట్ నిఫ్టీ(Gift nifty) నష్టాల బాటలో పయనిస్తుండడంతో మన మార్కెట్లు భారీ గ్యాప్ డౌన్ లో ప్రారంభమయ్యే అవకాశాలు కనిపిస్తున్నాయి.
April 07 Pre Market Analysis | యూఎస్ మార్కెట్లు..
గత సెషన్లో నాస్డాక్ 0.54 శాతం, ఎస్ అండ్ పీ 0.44 శాతం లాభపడ్డాయి. మంగళవారం ఉదయం డౌజోన్స్ ఫ్యూచర్స్ 0.25 శాతం నష్టంతో ఉంది.
April 07 Pre Market Analysis | ఆసియా మార్కెట్లు..
ప్రధాన ఆసియా మార్కెట్లు మిశ్రమంగా స్పందిస్తున్నాయి. ఉదయం 7.50 గంటల ప్రాంతంలో తైవాన్ స్టాక్ ఎక్స్ఛేంజ్ 1.11 శాతం, చైనాకు చెందిన షాంఘై 0.35 శాతం, సౌత్ కొరియాకు చెందిన కోస్పీ 0.21 శాతం లాభంతో, జపాన్కు చెందిన నిక్కీ 0.36 శాతం, సింగపూర్కు చెందిన స్ట్రెయిట్ టైమ్స్ 0.20 శాతం నష్టంతో ఉన్నాయి. గిఫ్ట్ నిఫ్టీ 0.54 శాతం నష్టంతో కొనసాగుతుండడంతో మన మార్కెట్లు గ్యాప్ డౌన్ లో ప్రారంభం అయ్యే అవకాశాలున్నాయి.
గమనించాల్సిన అంశాలు..
- ఎఫ్ఐఐలు వరుసగా 24వ సెషన్లోనూ నికర అమ్మకందారులుగా ఉన్నారు. గత సెషన్లో నికరంగా రూ. 8,167 కోట్ల విలువైన స్టాక్స్ విక్రయించారు.
- డీఐఐ(DII)లు వరుసగా 26వ సెషన్లోనూ నికర కొనుగోలుదారులుగా నిలిచారు. గత సెషన్లో నికరంగా రూ. 8,088 కోట్ల విలువైన స్టాక్స్ కొన్నారు.
- నిఫ్టీ పుట్కాల్ రేషియో() 1.09 నుంచి 1.22కు పెరిగింది.
- విక్స్ 2.04 శాతం పెరిగి 25.52 వద్ద ఉంది.
- డాలర్తో రూపాయి మారకం విలువ 5 లు బలపడి 93.06 వద్ద ఉంది.
- బ్రెంట్ క్రూడ్ ఆయిల్ ధర బ్యారెల్కు 1.36 శాతం పెరిగి, 111.13 డాలర్ల వద్ద ఉంది.
- నిఫ్టీ డెరివేటివ్స్ వీక్లీ ఎక్స్పైరీ నేపథ్యంలో మార్కెట్లో ఒడుదుడుకులు ఉండే అవకాశాలున్నాయి.
