అక్షరటుడే, వెబ్డెస్క్ : AR Constable Murder | ఏఆర్ కానిస్టేబుల్ దారుణ హత్యకు గురయ్యాడు. హైదరాబాద్ (Hyderabad) నగరంలోని ఉప్పల్ పోలీస్ స్టేషన్ పరిధిలో ఆదివారం రాత్రి ఈ ఘటన చోటు చేసుకుంది.
ఆంధ్రప్రదేశ్ (Andhra Pradesh)లోని కర్నూల్ జిల్లాకు చెందిన సుధీర్(35) చెంగిచర్లలోని ఆర్టీసీ కాలనీలో నివాసం ఉంటున్నాడు. సిటీ సెక్యూరిటీ వింగ్లో ఏఆర్ కానిస్టేబుల్గా విదులు నిర్వహిస్తున్నాడు. అతడికి ఉప్పల్ పరిధిలోని చిలుకానగర్ (Chilukanagar)లో ఉండే ఆటోడ్రైవర్ సంతోష్నాయక్తో స్నేహం ఉంది. అయితే వీరిద్దరి మధ్య ఆదివారం రాత్రి వాట్సాప్ చాటింగ్ జరిగింది. ఈ చాటింగ్లో ఇద్దరు గొడవ పడ్డారు. నువ్వెంత అంటే నువ్వెంత అనుకున్నారు.
AR Constable Murder | కత్తితో దాడి
వాట్సాప్ చాటింగ్ (WhatsApp Chatting)లో గొడవ తర్వాత ఆదివారం రాత్రి చిలుకానగర్ ప్రాంతంలోని ఆదర్శనగర్లో ఉన్న ఖాళీ స్థలం వద్ద సుధీర్, సంతోష్నాయక్ కలుసుకున్నారు. సంతోష్నాయక్ ముందుగానే అక్కడకు వెళ్లగా.. కానిస్టేబుల్ సుధీర్ మరో స్నేహితుడు ఇమ్రాన్ఖాన్తో అక్కడకు వచ్చాడు. వారు రాగానే సంతోష్ నాయక్ కతత్తితో సుధీర్పై విచక్షణారహితంగా దాడి చేశాడు. దీంతో సుధీర్, ఇమ్రాన్ఖాన్ భయంతో పరుగులు తీశారు. అనంతరం ఆదర్శనగర్ సాయిబాబా ఆలయ (Adarshnagar Sai Baba Temple) ప్రాంతంలో సుధీర్ పడిపోయి మృతిచెందాడు. అతడికి భార్య, ఇద్దరు కుమార్తెలు ఉన్నారు.
AR Constable Murder | పరారీలో నిందితుడు
సంతోష్ నాయక్ సుధీర్ కుమార్ను కడుపు, మెడ భాగాల్లో కత్తితో పొడిచాడు. తీవ్ర గాయాలతో ఆయన మృతి చెందాడు. అనంతరం నిందితుడు పరారు అయ్యాడు. సమాచారం అందుకున్న పోలీసులు ఘటన స్థలానికి చేరుకొని పరిశీలించారు. కేసు నమోదు చేసుకొని దర్యాప్తు చేస్తున్నారు. నిందితుడి కోసం గాలిస్తున్నారు. అయితే హత్యకు కారణాలు తెలియాల్సి ఉంది.
ఇది కూడా చదవండి..: Attapur Hydraa Demolition | అత్తాపూర్లో హైడ్రా కూల్చివేతలు
