అక్షరటుడే, హైదరాబాద్ : Resume | మంచి ఉద్యోగం సాధించాలంటే కేవలం నైపుణ్యం ఉంటే సరిపోదు. దానికి అనుభవాన్ని కీలకమైన రెజ్యూమె ద్వారా సమర్థవంతంగా సమర్పించాలి. రెజ్యూమె అనేది మీ వ్యక్తిగత మార్కెటింగ్ డాక్యుమెంట్(Marketing Document). మీరు ఎవరు, ఏం చేయగలరు, కంపెనీకి ఎంత విలువను తీసుకురాగలరు అనే విషయాలను తెలిపే శక్తివంతమైన పత్రం ఇది. ఉద్యోగార్థులు తమ లక్ష్యాలను చేరుకోవడానికి బలమైన, ఆకర్షణీయమైన రెజ్యూమెను తయారు చేసుకోవడంతో పాటు, కొన్ని చిన్న కానీ గొప్ప ఫలితాలనిచ్చే రోజువారీ అలవాట్లను పాటించడం చాలా అవసరం.
రెజ్యూమెను సమర్థవంతంగా తయారుచేయడం:
నైపుణ్యాన్ని, అనుభవాన్ని సరిగ్గా ప్రదర్శించడానికి ఈ పద్ధతులు పాటించాలి:
ఆన్‌లైన్ టెంప్లేట్‌ల వినియోగం : రెజ్యూమెను స్వయంగా తయారుచేయడం అధిక సమయం తీసుకునే పని. అందుకని, ఆన్‌లైన్ టెంప్లేట్‌లు (గూగుల్ డాక్స్, ఇతర వెబ్‌సైట్‌లలో లభించేవి) ఉపయోగించడం ఉత్తమం. ఈ టెంప్లేట్‌లు వృత్తిపరమైన ఫార్మాటింగ్, ఫాంట్, లేఅవుట్‌లతో సిద్ధంగా ఉంటాయి. మనం చేయాల్సిందల్లా వివరాలను పూరించడం మాత్రమే.
ATS (సాఫ్ట్‌వేర్) అనుకూలత: ప్రస్తుతం చాలా కంపెనీలు అప్లికెంట్ ట్రాకింగ్ సిస్టమ్స్ (ATS) అనే సాఫ్ట్‌వేర్‌ను ఉపయోగిస్తున్నాయి. ఈ సిస్టమ్స్ రెజ్యూమెను స్కాన్ చేసి, కీ వర్డ్‌ల ఆధారంగా షార్ట్‌లిస్ట్ చేస్తాయి. ఆన్‌లైన్ టెంప్లేట్‌లు సాధారణంగా ATS సులభంగా చదవగలిగే విధంగా ప్లెయిన్ టెక్స్ట్ ఫార్మాట్‌లో రూపొందుతాయి. అందుకే, గ్రాఫిక్స్ లేదా సంక్లిష్టమైన బాక్సులకు దూరంగా సరళమైన, స్పష్టమైన ఫార్మాటింగ్‌ను ఎంచుకోవాలి.
జాబ్ డిస్క్రిప్షన్‌కు అనుగుణంగా మార్పు:
ఉద్యోగం కోసం దరఖాస్తు చేసేటప్పుడు ఒకే రెజ్యూమెను అన్ని కంపెనీలకూ పంపడం పెద్ద తప్పు. ప్రతి ఉద్యోగానికి రెజ్యూమెను ఆ ఉద్యోగ వివరణ (జాబ్ డిస్క్రిప్షన్ – JD)కు అనుగుణంగా మార్చాలి.
ముఖ్య పదాలను గుర్తించడం: JDలో తరచుగా ఉపయోగించిన ముఖ్య పదాలను (కీ టర్మ్స్) గుర్తించాలి. ఉదాహరణకు, JDలో ‘పైతాన్’, ‘డేటా అనాలసిస్’, ‘ఎజైల్ మెథడాలజీ’ లాంటి పదాలు ఉంటే, రెజ్యూమెలోని నైపుణ్యాలు, అనుభవం విభాగాల్లో వాటిని కచ్చితంగా చేర్చాలి.
సంబంధిత అంశాలకే ప్రాధాన్యం: గతంలో చేసిన పనులన్నింటినీ కాకుండా, దరఖాస్తు చేస్తున్న ఉద్యోగానికి ప్రత్యక్షంగా సంబంధమున్న అనుభవాన్నీ, నైపుణ్యాలనూ మాత్రమే హైలైట్ చేయాలి. ఉదాహరణకు, మార్కెటింగ్ ఉద్యోగానికి టెక్నికల్ కోడింగ్ కంటే సోషల్ మీడియా ప్రచారం లేదా కంటెంట్ రైటింగ్ అనుభవానికి ఎక్కువ ప్రాధాన్యం ఇవ్వడం సరైనది.
నైపుణ్యాల విభాగంలో స్పష్టత ముఖ్యం:
సాంకేతిక నైపుణ్యాలు : నైపుణ్యాల విభాగంలో కేవలం ‘టీమ్ వర్క్'(Team Work) లాంటి సాధారణ పదాలను కాకుండా, సాంకేతిక నైపుణ్యాలను, భాషా నైపుణ్యాలను స్పష్టంగా వివరించాలి.
నిర్దిష్టంగా పేర్కొనడం : బాగా తెలిసిన సాఫ్ట్‌వేర్‌లు, ప్రోగ్రామింగ్ భాషలు (జావా, ఎస్‌క్యూఎల్, పైతాన్), డేటాబేస్‌లు, డిజైన్ టూల్స్ (ఫిగ్మా, ఫోటోషాప్) లాంటివాటిని బుల్లెట్ పాయింట్లుగా స్పష్టంగా పేర్కొనాలి.
రోజువారీ అలవాట్లు:
వ్యక్తిగత జీవితంలో కొన్ని చిన్న అలవాట్లను పాటిస్తే గొప్ప ఫలితాలను అందుకోవచ్చు:
ముఖ్యమైన పనుల లక్ష్యం : రోజు కనీసం రెండు, మూడు ముఖ్యమైన పనులైనా తప్పనిసరిగా పూర్తి చేయాలనే లక్ష్యాన్ని పెట్టుకోవాలి. దీనివల్ల మొత్తం సమయాన్నీ, శక్తినీ వాటిని చేయడానికి ఉపయోగిస్తారు, ఎక్కడా సమయం వృథా కాదు.
ముందుగానే ప్రణాళిక : నిద్రపోయే ముందు రేపు ఉదయం లేచి చదవాల్సిన, రాయాల్సిన అంశాలపై స్పష్టత ఉండాలి. దీంతో ఉదయం లేవగానే ఎలాంటి గందరగోళము లేకుండా అనుకున్న పనులను సమయానికి పూర్తి చేయగలుగుతారు.
జెమిని /చాట్ జీపీటీతో మెరుగుదల : ఈ రోజుల్లో జెమిని లేదా చాట్ జీపీటీ(Chat GPT) లాంటి లార్జ్ లాంగ్వేజ్ మోడల్స్ రెజ్యూమెను మెరుగుపరచడంలో అద్భుతంగా ఉపయోగపడుతున్నాయి
అనుభవాన్ని ఆకర్షణీయంగా రాయడం:
విద్యార్థులకు ,తాజా అనుభవం తక్కువగా ఉండవచ్చు.అందుకే ఇంటర్న్‌షిప్ అనుభవం,కళాశాల ప్రాజెక్టులు,వాలంటీర్ పని లాంటి విభాగాలను ప్రభావవంతంగా రాయాలి.
ఫలితాలను కొలవాలి:కేవలం బాధ్యతలను చెప్పడమే కాకుండా సాధించిన ఫలితాలను సంఖ్యల రూపంలో చూపాలి.
