అక్షరటుడే, వెబ్డెస్క్ : Attapur Hydraa Demolition | హైదరాబాద్ (Hyderabad) నగరంలో అక్రమ నిర్మాణాలపై హైడ్రా చర్యలు కొనసాగుతున్నాయి. ప్రభుత్వ స్థలాలు, ప్రజావసరాలకు కేటాయించిన భూముల్లో నిర్మాణాలను అధికారులు తొలగిస్తున్నారు. నగరంలోని అత్తాపూర్లో శనివారం ఉదయం హైడ్రా కూల్చివేతలు చేపట్టింది.
అత్తాపూర్లోని ఆలయ స్థలాన్ని కొందరు ఆక్రమించారు. అక్కడ రేకుల షెడ్లు ఏర్పాటు చేసుకున్నారు. దీనిపై ఫిర్యాదు అందడంతో హైడ్రా సిబ్బంది రగంలోకి దిగారు. రూ.కోట్ల విలువ చేసే భూమిని ఆక్రమణల నుంచి కాపాడారు. అక్రమంగా వేసిన షెడ్లను జేసీబీల సాయంతో తొలగించారు.
Attapur Hydraa Demolition | భారీ బందోబస్తు
స్థానిక శివాలయం వద్ద ఉన్న వివాదాస్పద భూముల వద్దకు ఉదయాన్నే హైడ్రా అధికారులు చేరుకున్నారు. సీతారామ చంద్రస్వామి ఆలయ భూముల్లో ఉన్న రేకుల షెడ్లను, రూమ్లను కూల్చివేశారు. కూల్చివేతలు ఆపాలని సిక్కులు నిరసన తెలిపారు. ఆందోళన విరమించాలని పోలీసులు నచ్చజెప్పే ప్రయత్నం చేసినా వారు వినలేదు. దీంతో ఆందోళన చేస్తున్న వారిని అరెస్ట్ చేశారు. అనంతరం భారీ బందోబస్తు మధ్య కూల్చివేతలు చేపట్టారు.
నగరంలో వందల ఎకరాల ప్రభుత్వ స్థలాలను హైడ్రా కాపాడింది. పార్కుల కోసం కేటాయించిన స్థలాలను సైతం కొందరు కబ్జా చేయగా.. విముక్తి కల్పించింది. నాలాలు, చెరువులు, రోడ్లను ఆక్రమించి చేపట్టిన నిర్మాణాలను తొలగిస్తోంది. దీంతో ప్రజలు హైడ్రాకు ధన్యవాదాలు తెలుపుతున్నారు. మరోవైపు నగరంలోని చెరువులకు హైడ్రా పూర్వ వైభవం తీసుకు రావడానికి ప్రయత్నిస్తోంది. ఇప్పటికే బతుకమ్మ కుంట (Bathukamma Kunta), పాతబస్తీలోని బమృక్ ఉద్దౌలా, కూకట్పల్లి (Kukatpally)లోని నల్ల చెరువులను పునరుద్ధరించి ప్రారంభించింది. పలు చెరువుల పనులు కొనసాగుతున్నాయి.
దీనిని కూడా చదవండి : Nepali Gang Theft | రెచ్చిపోయిన నేపాలీ గ్యాంగ్.. జూబ్లీహిల్స్లో భారీ చోరీ
