అక్షరటుడే, ఆర్మూర్: Auto Accident Deaths | అతివేగం ఇద్దరి ప్రాణాలను తీసింది.. రోడ్లపై వేగంగా వెళ్లి ఇతర ఇతరుల ప్రాణాలు పోవడానికి కారణం కావొద్దని పోలీసులు పదేపదే హెచ్చరిస్తున్నప్పటికీ కొందరు పెడచెవిన పెడుతున్నారు. వారి ర్యాష్ డ్రైవింగ్ కారణంగా అమాయక ప్రజలు ప్రాణాలు కోల్పోతున్నారు.
Auto Accident Deaths | పిప్రి ప్రాంతంలో..
ఆటో డ్రైవర్ అజాగ్రత్త అతివేగం కారణంగా ఇద్దరు దుర్మరణం పాలయ్యారు. పిప్రి (Pipri) వద్ద శనివారం ఉదయం ఈ ఘటన చోటు చేసుకుంది. స్థానికులు, పోలీసులు తెలిపిన వివరాలు ప్రకారం.. ఓ ఆటో డ్రైవర్ అతివేగంగా తన ఆటోతో పిప్రి వైపు వస్తూ.. గ్రామ సమీపంలో ఓ స్కూటిని బలంగా ఢీకొట్టాడు. ఈ ప్రమాదంలో స్కూటీపై ఉన్న ఇద్దరు వ్యక్తులు రోడ్డుపై ఎగిరిపడి అక్కడికక్కడే మృతి చెందారు. ఈ మేరకు సమాచారం తెలుసుకున్న పోలీసులు సంఘటన స్థలానికి చేరుకుని విచారణ చేపట్టారు. ట్రాఫిక్ ఇబ్బందులు లేకుండా చూశారు. అనంతరం మృతదేహాలను ఆర్మూర్ ప్రభుత్వ ఆస్పత్రి (Armoor Government Hospital)కి తరలించినట్లు ఆర్మూర్ ఎస్హెచ్వో సత్యనారాయణ గౌడ్ (SHO Satyanarayana Goud) తెలిపారు.
ఇది కూడా చదవండి..: ASHA Workers Demand | ఎన్నికల్లో ఇచ్చిన హామీలు అమలు చేయాలి : సీఐటీయూ డిమాండ్
