అక్షరటుడే, వెబ్డెస్క్: Bahrain Protests | పశ్చిమాసియాలో ఉద్రిక్తతలు చల్లారడం లేదు. ఇరాన్పై ఇజ్రాయెల్, అమెరికా దాడుల్లో ఆ దేశ సుప్రీం లీడర్ ఖమేనీ (Supreme Leader Khamenei) మృతి చెందిన విషయం తెలిసిందే. ఖమేనీ మృతికి ప్రతీకారంగా ఇరాన్ దాడులు చేస్తోంది.
ఇజ్రాయెల్తో పాటు గల్ఫ్ దేశాలు యూఏఈ, సౌదీ, ఖతార్, బహ్రెయిన్లోని యూఎస్ సైనిక స్థావరాలపై ఇరాన్ పెద్ద ఎత్తున డ్రోన్లు, క్షిపణులు ప్రయోగిస్తుంది. ఈ క్రమంలో బహ్రెయిన్లో అల్లర్లు చెలరేగాయి. ఓ వైపు ఇరాన్ బహ్రెయిన్పై దాడులు చేస్తుండగా.. మరోవైపు ఆ దేశానికి మద్దతుగా షియా ముస్లింలు (Shia Muslims) రోడ్డెక్కి నిరసన చేపడుతున్నారు. వేలాదిగా ప్రజలు రోడ్లపైకి వచ్చారు. ఖమేనీ హత్యకు నిరసనగా ఆందోళన చేస్తున్నారు. నిరసనకారులు పెట్రోలు బాంబులు విసురుతుండటంతో పరిస్థితి హింసాత్మకంగా మారింది. నిరసనకారులపై బెహ్రయిన్ పోలీసుల లాఠీచార్జ్, కాల్పులు జరిపారు.
Bahrain Protests| దుబాయిలో హోటల్పై దాడి
దుబాయ్ (Dubai)లోని అమెరికన్ సైనిక సిబ్బంది బస చేసిన హోటల్పై షాహెద్ 136 డ్రోన్తో ఇరాన్ దాడి చేసింది. రియాద్లోని యూఎస్ ఎంబసీ (US Embassy)పై హైపర్ సోనిక్ క్షిపణిని ప్రయోగించింది. మరోవైపు ఇరాన్పై ఇజ్రాయెల్ సైతం దాడులకు దిగింది. టెహ్రాన్లో వరుస బాంబు పేలుళ్లు చోటు చేసుకుంటున్నాయి. ఇరాన్ ప్రభుత్వ మీడియా సంస్థ IRIB ప్రధాన కార్యాలయం దాడిలో ధ్వంసం అయింది. దీంతో ఇరాన్ ప్రతీకార దాడులు చేపట్టింది. ఇజ్రాయెల్ (Israel)పై 11వ విడత క్షిపణి దాడులు చేసింది.
Bahrain Protests | సూపర్మార్కెట్లు ఖాళీ
ఇరాన్ దాడులతో దుబాయి అల్లాడుతోంది. ఇప్పటికే ఎయిర్పోర్టులు మూసివేయడంతో అనేక మంది అక్కడ చిక్కుకుపోయారు. మరోవైపు దాడులు మరికొన్ని రోజులు కొనసాగే అవకాశం ఉండటంతో ప్రజలు ఆందోళన చెందుతున్నారు. దీంతో ముందు జాగ్రత్తగా కావాల్సిన సామగ్రిని కొనుగోలు చేసి పెట్టుకుంటున్నారు. దీంతో దుబాయ్లో సూపర్ మార్కెట్లు (Super Markets) ఖాళీ అవుతున్నాయి. ప్రజలు బయటకు వెళ్లడం లేదు. దీంతో రోడ్లు సైతం ఖాళీగా దర్శనం ఇస్తున్నాయి.
ఇది కూడా చదవండి..: Gulf Iran Tensions | గల్ఫ్ దేశాల నేతలతో ప్రధాని మోదీ చర్చలు
