అక్షరటుడే, హైదరాబాద్: Bansilalpet Stepwell Events | గ్రేటర్ హైదరాబాద్లోని చారిత్రక కట్టడాలు ఇప్పుడు కొత్త రూపంలో ప్రజలను, పర్యాటకులను ఆకట్టుకుంటున్నాయి. అలాంటి ప్రత్యేక ప్రదేశాల్లో ఒకటిగా బన్సీలాల్పేట కోనేరు (స్టెప్వెల్) నిలుస్తోంది. పార్సిగుట్ట, భోయిగూడ ప్రాంతాల్లో ఉన్న ఈ చారిత్రక బావి వారాంతాల్లో ప్రత్యేక సాంస్కృతిక వేదికగా ఆకర్షిస్తోంది.
Bansilalpet Stepwell Events | లైటింగ్..
వీకెండ్ ఇక్కడ ఆత్మీయ సంగీతం, నృత్య కార్యక్రమాలు నిర్వహిస్తుంటారు. సంప్రదాయ సంగీతం నుంచి ఆధునిక ప్రదర్శనల వరకు వివిధ కళారూపాలు ఒకే వేదికపై ప్రేక్షకులను, పర్యాటకులను మంత్రముగ్ధులను చేస్తున్నాయి. పాతకాలపు నిర్మాణ శైలికి ఆధునిక లైటింగ్ అలంకరణలు జత కావడంతో కోనేరు అందం మరింత మెరుగుపడింది. కుటుంబాలతో వచ్చే సందర్శకులు, ఫొటోగ్రఫీ ప్రేమికులు, యువత.. ఇలా ప్రతి ఒక్కరికి ఈ ప్రాంతం ఆకర్షణీయంగా మారింది.
Bansilalpet Stepwell Events | ప్రవేశ రుసుము..
వీకెండ్ కార్యక్రమాలను వీక్షించేందుకు ప్రవేశ రుసుము నిర్ణయించారు. పైభాగం (టాప్ వ్యూ ఏరియా) నుంచి వీక్షించాలనుకునే వారికి రూ.50 ఫీజు తీసుకుంటున్నారు. ఇక, గ్రౌండ్ లెవెల్లో కార్యక్రమాన్ని ప్రత్యక్షంగా ఆస్వాదించేందుకు ప్రత్యేక టికెట్ తీసుకోవాలి. కార్యక్రమాల షెడ్యూల్, అందుబాటు పరిస్థితులు తరచూ మారే అవకాశం ఉంది. ఈ నేపథ్యంలో నిర్వాహకులను ముందుగా సంప్రదించి వెళ్లాలి.
చారిత్రక వారసత్వాన్ని సాంస్కృతిక వేదికగా మలచిన ఈ ప్రయత్నం గ్రేటర్ హైదరాబాద్లో మంచి స్పందన పొందుతోంది. వారాంతాల్లో విశ్రాంతి, వినోదం, కళా అనుభూతి— వంటి all in one అనుభవం కోరుకునే వారికి బన్సీలాల్పేట కోనేరు ప్రత్యేక కేంద్రంగా మారింది.
