అక్షరటుడే, కామారెడ్డి: Banswada MLA Arrest | బాన్సువాడలో ఇటీవల జరిగిన సంఘటనల నేపథ్యంలో బాధితులను పరామర్శించేందుకు వెళ్తున్న బీజేపీ ఎమ్మెల్యేలను పోలీసులు అడ్డుకున్నారు. ఈ మేరకు సదాశివనగర్ మండలం పద్మాజీవాడ ఎక్స్రోడ్ వద్ద పోలీసులు వారిని అరెస్ట్ చేశారు. కామారెడ్డిలో (Kamareddy) బీజేఎల్పీ సమావేశం అనంతరం బాన్సువాడకు బయలుదేరిన బీజేపీ ఎమ్మెల్యేలను పోలీసులు అదుపులోకి తీసుకున్నారు.
Banswada MLA Arrest | బాన్సువాడ తెలంగాణలోనే ఉందా.. వేరే దేశంలో ఉందా..
ఈ సందర్భంగా అరెస్ట్ అయిన ఎమ్మెల్యేలు మాట్లాడుతూ.. బాన్సువాడ (Banswada) తెలంగాణలోనే ఉందా.. లేక ఇతర దేశంలో ఉందా అని ప్రశ్నించారు. తమను ఎందుకు అడ్డుకుంటున్నారని రాష్ట్ర ప్రభుత్వాన్ని నిలదీశారు. తెలంగాణలో మరో నిజాం పాలన సాగుతుందంటూ మండిపడ్డారు. బాన్సువాడలో హిందువుల మీద అఘాయిత్యాలు, లాఠీఛార్జీ, యువతపై అక్రమ కేసులు బనాయిస్తున్నారని ఆరోపించారు. బాధిత కుటుంబాలను పరమర్శించాలని, పోలీసుల వేధింపులు ఎక్కువయ్యాయని, ఇప్పటివరకు బెయిల్ రాలేదన్నారు.
Banswada MLA Arrest | బాధిత కుటుంబాలకు ధైర్యం చెప్పేందుకు..
బాధిత కుటుంబాలకు ధైర్యం చెప్పేందుకు బాన్సువాడకు వెళ్తుంటే అడ్డుకోవడం శోచనీయమని ఎమ్మెల్యేలు పేర్కొన్నారు. తాము అనుమతించినప్పుడే వెళ్లాలని పోలీసులు చెప్పడం చూస్తుంటే రాష్ట్రంలో పోలీసు వ్యవస్థ ఏ విధంగా పని చేస్తుందో అర్థం అవుతుందన్నారు. గతంలో రజాకార్ల పాలన గురించి విన్నామని, ఇప్పుడు చూస్తున్నామని వ్యాఖ్యానించారు. గత పదేళ్లు రాష్ట్రాన్ని పాలించిన బీఆర్ఎస్ హిందుగాళ్లు.. బొందుగాళ్లు అంటే ఎలా బుద్దిచెప్పారో భవిష్యత్తులో కాంగ్రెస్ (Congress)కు కూడా అదే విధంగా బుద్ధి చెప్తారని హెచ్చరించారు.
ఇది కూడా చదవండి..: Kotagiri Incident | మద్యం మత్తులో దారుణం.. తల్లిని సజీవదహనం చేసిన కసాయి
