అక్షరటుడే, కామారెడ్డి: belt shop tender issue | జిల్లాలో బెల్ట్ షాప్ల దందా కొనసాగుతోంది. గ్రామాల్లో వీడీసీ సభ్యుల పెత్తనంతో బెల్ట్షాపులను బహిరంగంగానే టెండర్లు (Kamareddy news) నిర్వహిస్తున్నారు. కల్లు దుకాణాలు, వైన్ షాపులు పాఠశాలలు, ఆలయాలకు వంద మీటర్ల దూరంలో ఉండాలనే ప్రభుత్వ నిబంధనలు ఉన్నాయి. అయితే ఏకంగా ప్రభుత్వ పాఠశాల ఆవరణలో సమావేశం పెట్టి మరీ బెల్ట్ షాప్నకు (illegal liquor sales) టెండర్ నిర్వహించడం అధికారుల నిర్లక్ష్యానికి నిలువుటద్దంగా నిలుస్తోంది. ప్రభుత్వ పాఠశాల వరండాలో సమావేశం నిర్వహించి బెల్ట్ షాపు నిర్వహణకు టెండర్ నిర్వహించిన ఘటన కామారెడ్డి (Kamareddy) మండలం రాఘవాపూర్ గ్రామంలో చోటుచేసుకుంది. ఇంత జరుగుతున్నా ఎక్సైజ్ అధికారులు (excise negligence) పట్టించుకోకపోవడంపై సర్వత్రా చర్చనీయాంశమైంది.
belt shop tender issue | రాఘవాపూర్లో..
చిన్న గ్రామమైన రాఘవాపూర్లో (Raghavapur) టెండర్ నిర్వహించడం, అది కూడా ప్రభుత్వ పాఠశాల ఆవరణలో దర్జాగా సమావేశం నిర్వహించడం తీవ్ర దుమారం రేపుతోంది. ఆదివారం నిర్వహించిన ఈ సమావేశంలో రూ.36 వేలకు పైగా టెండర్ దక్కించుకున్నట్టుగా తెలుస్తోంది. ఓ వైపు గ్రామాలను మద్యపాన రహిత గ్రామాలుగా మార్చడానికి కొన్ని పల్లెల్లో సమావేశాలు నిర్వహించి తీర్మానాలు చేస్తున్నారు. నిబంధన ఉల్లంఘించి మద్యం అమ్మితే జరిమానాలు విధిస్తున్నారు. కానీ ఈ గ్రామంలో మాత్రం ఇందుకు విరుద్ధమైన పరిస్థితులు ఉన్నాయి. ఏకంగా పాఠశాల ఆవరణలో టెండర్ నిర్వహించడం చర్చనీయాంశంగా మారింది. అయితే ఈ విషయమై సర్పంచ్ను ఫోన్ ద్వారా సంప్రదించగా గ్రామంలో బెల్ట్ షాపు నిర్వహణకు తాను వ్యతిరేకమన్నారు. రెండు రోజుల క్రితం ఈ విషయమై కామారెడ్డి ఏఎస్పీకి సైతం ఫిర్యాదు చేసినట్టు పేర్కొన్నారు. మొన్న జరిగిన గ్రామ సభలో సైతం బెల్టు షాపు నిర్వహణపై చెప్పినట్టుగా తెలిపారు. కొందరు కావాలని ఇదంతా చేస్తున్నట్టు సర్పంచ్ చెప్పడం గమనార్హం.
ఇది కూడా చదవండి : online gaming addiction | ఆన్లైన్ గేమింగ్కు బానిసై చైన్స్నాచింగ్.. ఎట్టకేలకు పట్టుబడ్డ యువకుడు
