అక్షరటుడే, వెబ్డెస్క్: Bladder Cancer Symptoms | చాలామంది మూత్రం ఎరుపు లేదా గులాబీ రంగులో వస్తే కేవలం ‘వేడి చేసింది’ అని సరిపెట్టుకుంటారు. కానీ, అది ప్రాణాంతకమైన మూత్రాశయ క్యాన్సర్ (Bladder Cancer) కు తొలి హెచ్చరిక కావచ్చు.
ప్రపంచవ్యాప్తంగా జరిగిన తాజా పరిశోధనల ప్రకారం, ఈ లక్షణాన్ని సకాలంలో గుర్తించకపోతే కేవలం మూడు నెలల్లోనే ప్రాణాలు కోల్పోయే ప్రమాదం ఉందని వైద్యులు హెచ్చరిస్తున్నారు.
Bladder Cancer Symptoms | తాజా అధ్యయనంలోని నిజాలు:
యూరోపియన్ అసోసియేషన్ ఆఫ్ యూరాలజీ కాంగ్రెస్ సుమారు 8,500 మందిపై జరిపిన పరిశోధనలో భయంకరమైన విషయాలు బయటపడ్డాయి. మూత్రంలో రక్తంతో ఆసుపత్రికి వచ్చే ప్రతి నలుగురిలో ఒకరికి క్యాన్సర్ ఉండే అవకాశం ఉందని తేలింది. సరైన సమయంలో నిర్ధారణ పరీక్షలు జరగకపోతే, అటువంటి లక్షణాలున్న వారిలో 10 శాతం మంది కేవలం 90 రోజుల్లోనే మరణిస్తున్నారు.
Bladder Cancer Symptoms | గమనించాల్సిన లక్షణాలు:
ఈ క్యాన్సర్ ప్రారంభ దశలో ఎటువంటి నొప్పి ఉండదు, అందుకే దీనిని గుర్తించడం కష్టం. మూత్రం గులాబీ, ఎరుపు లేదా కోలా రంగులోకి మారడం, ఎటువంటి నొప్పి లేకుండానే రక్తస్రావం కావడం దీని ప్రధాన సంకేతాలు. వీటితో పాటు తరచుగా మూత్రానికి వెళ్లాలనిపించడం, వెళ్లినప్పుడు మంటగా ఉండటం వంటి మార్పులను అస్సలు నిర్లక్ష్యం చేయకూడదు.
ఎవరికి ఈ వ్యాధి ముప్పు ఎక్కువగా ఉంది?
ముఖ్యంగా పురుషులలో ఈ క్యాన్సర్ వేగంగా విస్తరిస్తోంది. దాదాపు 50-60 శాతం కేసులు సిగరెట్ తాగడం వల్లే వస్తున్నాయి. పొగాకులోని విషపూరిత రసాయనాలు మూత్రాశయంలో చేరి క్యాన్సర్ గడ్డలకు కారణమవుతాయి. వీటితో పాటు రంగులు, రబ్బరు, పెయింట్ పరిశ్రమల్లో పనిచేసే వారికి , వృద్ధులకు ఈ ముప్పు పొంచి ఉంది.
ఇది కూడా చదవండి: Unibrow Personality Myth | కనుబొమ్మల ఆకృతి ఇలా ఉందా.. అయితే తిరుగులేనట్టే!
