అక్షరటుడే, బోధన్: Bodhan Car Theft | సినీఫక్కీలో కారులో ఉంచిన నగదును దుండగులు ఎత్తుకెళ్లారు. ఈ ఘటన బోధన్ (Bodhan) పట్టణంలో శుక్రవారం చోటు చేసుకుంది. బ్యాంకులు, ఇతర సంస్థల్లో నగదు తరలించే విషయంలో అప్రమత్తంగా ఉండాలని పోలీసులు అవగాహన కల్పిస్తూనే ఉన్నారు. అయినప్పటికీ దోపిడీలు జరుగుతూనే ఉన్నాయి.
Bodhan Car Theft | గోశాల రోడ్లోని బ్యాంక్లో..
బాధితుడు తెలిపిన వివరాల ప్రకారం.. పట్టణంలోని గోశాల రోడ్లోని యూనియన్ బ్యాంక్ (Union Bank)లో హరిబాబు అనే వ్యక్తి రూ.3 లక్షలను డ్రా చేశాడు. అనంతరం నగదును కారులో ఉంచి పని నిమిత్తం మళ్లీ బ్యాంక్లోకి వెళ్లారు. ఇదే అదనుగా భావించిన గుర్తు తెలియని వ్యక్తులు కారు అద్దాలు పగులగొట్టి నగదును ఎత్తుకెళ్లారు. బాధితుడు వెంటనే స్థానిక పోలీసులకు సమాచారం అందించారు. దీంతో స్పందించిన పోలీసులు కేసు నమోదు చేసుకుని దర్యాప్తు చేస్తున్నారు.
ఇది కూడా చదవండి..: Red Sorghum Farmers Demand | ఎర్రజొన్నల విత్తనమిచ్చిన వ్యాపారులే కొనుగోలు చేయాలి..
