అక్షరటుడే, వెబ్డెస్క్ : BRS name change | బీఆర్ఎస్ వర్కింగ్ ప్రెసిడెంట్ కేటీఆర్ (KTR) కీలక వ్యాఖ్యలు చేశారు. బీఆర్ఎస్ పేరును మళ్లీ టీఆర్ఎస్గా మార్చేందుకు యత్నిస్తున్నట్లు తెలిపారు. ఆదివారం ఆయన మీడియా చిట్చాట్లో మాట్లాడారు.
టీఆర్ఎస్ పేరును గతంలో బీఆర్ఎస్గా మార్చిన విషయం తెలిసిందే. రాష్ట్రంలో అధికారంలో ఉన్న సమయంలో దేశంలో చక్రం తిప్పుతామని పార్టీ పేరును భారత రాష్ట్ర సమితిగా మార్చారు. అయితే ఆ నిర్ణయానికి జన ఆమోదం లభించలేదు. అనేక కారణాలతో పార్టీ 2023 అసెంబ్లీ ఎన్నికల్లో ఓడిపోయింది. అందులో పార్టీ పేరు మార్పు, దేశ రాజకీయాల్లోకి వెళ్లాలి అనుకోవడం కూడా ఉన్నాయి. ఈ క్రమంలో తాజాగా కేటీఆర్ మాట్లాడుతూ.. బీఆర్ఎస్, టీఆర్ఎస్ (TRS)గానే ఉండాలని ప్రజలు కోరుకునేది నిజమే అన్నారు. కానీ బాస్ ఏది చెబితే అదే తమకు ఫైనల్ అని చెప్పారు. పార్టీ పేరు BRSగా మారాక నష్టపోయామని ఒప్పుకున్నారు.
BRS name change | పాదయాత్ర చేస్తా
తమకు పొత్తులు కలిసి రావని కేటీఆర్ అన్నారు. వచ్చే ఎన్నికిల్లో బీజేపీ (BJP)తో ఎలాంటి పొత్తులు ఉండవని చెప్పారు. ప్రజాసమస్యలపై 2027లో పాదయాత్ర మొదలు పెడతానని తెలిపారు. తాను ఏ నియోజకవర్గం నుంచైనా పోటీకి సిద్ధమని ప్రకటించారు. పార్టీ, ప్రజల మధ్య గ్యాప్ వల్లే ఓడిపోయామని అంగీకరించారు.
BRS name change | ఎవరైనా పార్టీ పెట్టొచ్చు
కవిత (Kavitha) కొత్త పార్టీపై కేటీఆర్ పరోక్ష వ్యాఖ్యలు చేశారు. కొత్త పార్టీలు ఎన్ని వస్తే అంత మంచిదన్నారు. కానీ ఆ పార్టీలకు ఓట్లు వేయాలి కదా అంటూ వ్యంగ్యంగా మాట్లాడారు. మన బాధే జనం బాధ అనుకుంటే ప్రజలు నమ్మరని కేటీఆర్ అన్నారు. తల్లిదండ్రులను సంతోషపెట్టకపోయినా పర్వాలేదు కానీ ఏడిపించవద్దంటూ కామెంట్స్ చేశారు.
ఇది కూడా చదవండి : Inter Supplementary Exams | మే 13 నుంచి ఇంటర్ సప్లిమెంటరీ పరీక్షలు
