అక్షరటుడే, ఇందూరు: Bus Accident Parrots Rescued | జిల్లాలోని ఇందల్వాయి మండలం (Indalwai Mandal) గన్నారం గ్రామ శివారులో ఘోర బస్సు ప్రమాదం చోటుచేసుకున్న విషయం తెలిసిందే. ఈ ఘటనలో నలుగురు ప్రయాణికులు అక్కడికక్కడే మృతి చెందారు. పలువురు గాయపడగా వారికి నగరంలోని జీజీహెచ్లో చికిత్స అందిస్తున్నారు.
Bus Accident Parrots Rescued | రామచిలుకలను కాపాడిన అధికారులు
జాతీయ రహదారిపై గురువారం రాత్రి జరిగిన బస్సు ప్రమాద స్థలాన్ని శుక్రవారం రవాణా శాఖ కమిషనర్ దుర్గాప్రమీల, ఆర్టీవో ఉమామహేశ్వర్రావులతో కూడిన బృందం పరిశీలించింది. బస్సు ప్రమాదానికి గల కారణాలను ఆరా తీశారు. ఈ క్రమంలో బస్సులో అధికారులు రామచిలుక (Parrot) పెట్టెను గమనించి బయటకు తీశారు.
Bus Accident Parrots Rescued | పశువైద్యశాలకు తరలింపు..
ఈ నేపథ్యంలో బాక్స్లో సుమారు 60 రామచిలుకలను కుక్కినట్లుగా ఉంచడంతో ఊపిరాడక 8 మృతి చెందాయి. దీంతో మిగిలిన చిలుకలను బయటకు తీసి వాటిని నీళ్లు తాగించి అనంతరం సమీప అటవీప్రాంతంలో వదిలిపెట్టినట్లు అధికారులు తెలిపారు. గాయపడ్డ చిలుకలను స్థానిక పశువైద్యశాలకు తరలించారు. తనిఖీల్లో ఎంపీఐ కిరణ్కుమార్ తదితరులు పాల్గొన్నారు.
ఇది కూడా చదవండి..: Operation Kavach Inspections | అర్ధరాత్రి ఎస్పీ ఆకస్మిక తనిఖీలు
