అక్షరటుడే, కామారెడ్డి: Car Fire Accident | రన్నింగ్ కారులో మంటలు వ్యాపించి కారు తగలబడిన ఘటన మాచారెడ్డి మండల (Machareddy Mandal) కేంద్రంలో బుధవారం చోటుచేసుకుంది. పోలీసులు తెలిపిన వివరాల ప్రకారం.. కామారెడ్డి – సిరిసిల్ల (Kamareddy – Sircilla) రోడ్డుపై రన్నింగ్లో ఉన్న సీఎన్జీ కారులోంచి పొగలు వ్యాపించి కారు దగ్ధమైంది.
Car Fire Accident | ఒక్కసారిగా పొగలు రావడంతో..
కారులోంచి ఒక్కసారిగా పొగలు రావడాన్ని గమనించిన శ్రీనివాస్ గౌడ్ కారును రోడ్డు పక్కకు నిలిపివేశాడు. వెంటనే అప్రమత్తమై ఫైర్, పోలీసు అధికారులకు సమాచారం చేరవేశాడు. సంఘటనా స్థలానికి ఫైర్ ఇంజన్, పోలీసు అధికారులు చేరుకొని మంటలను ఆర్పి వేశారు. కారులో షార్ట్ సర్క్యూట్ (Short Circuit) వల్లే ప్రమాదం సంభవించి ఉండవచ్చని పోలీసులు అనుమానిస్తున్నారు. దగ్ధమైన కారు రాజన్న సిరిసిల్ల జిల్లా ఎల్లారెడ్డిపేట మండల కేంద్రానికి చెందిన శ్రీనివాస్ గౌడ్కు చెందినదిగా అధికారులు గుర్తించారు. బాధితుడి ఫిర్యాదు మేరకు కేసు నమోదు చేసి దర్యాప్తు చేస్తున్నట్లు మాచారెడ్డి ఎస్సై అనిల్ కుమార్ తెలిపారు.
ఇది కూడా చదవండి..: Kamareddy ACB raids | బోసిపోయిన కామారెడ్డి మున్సిపాలిటీ.. ఏసీబీ దాడుల తర్వాత తగ్గిన జనసంచారం
