అక్షరటుడే, వెబ్డెస్క్: Cement Price Hike | సొంతింటి కల నిజం చేసుకోవాలనుకునే వారికి ఇది బ్యాడ్న్యూస్. రేపటి నుంచి సిమెంట్ ధరలు (Cement Prices) భారీగా పెరగనున్నాయి. ఈ మేరకు కంపెనీలు ఇప్పటికే డీలర్లకు సమాచారం అందించాయి.
Cement Price Hike | భారీగా పెరుగుదల..
సిమెంట్ కంపెనీలు (Cement Companies) బస్తాపై ధరను భారీగా పెంచాయి. ఈ పెరిగిన ధరలు రేపటి నుంచే అమలులోకి రానున్నాయి. వ్యాపార వర్గాల సమాచారం ప్రకారం.. 50 కిలోల సిమెంట్ బస్తా ధరపై రూ. 30 నుంచి రూ. 50 వరకు పెరిగే ఛాన్స్ ఉంది. దీంతో ప్రముఖ కంపెనీలకు చెందిన సిమెంట్ బస్తా ధర సుమారు రూ. 360కి చేరే అవకాశం ఉంది.
Cement Price Hike | కారణాలివేనా..
సిమెంట్ ధరలు పెరగనుండడంతో వినియోగదారులపై తీవ్ర భారం పడనుంది. ఇప్పటికే అంతంతమాత్రంగా ఉన్న రియల్ ఎస్టేట్ రంగంపై ఈ పెరుగుదల కొంత ప్రభావం చూపే అవకాశం ఉంది. అయితే రవాణా ఖర్చులు పెరగడంతో పాటు ముడి సరుకుల ధరల పెరుగుదల కారణంగా కంపెనీలు ఈ నిర్ణయం తీసుకున్నట్లుగా సమాచారం.
Cement Price Hike | బుకింగ్లు నిలిపివేసిన కంపెనీలు!
ధరల పెంపు నేపథ్యంలో సిమెంట్ కంపెనీలు బుకింగ్లను నిలిపివేసినట్లు తెలుస్తోంది. పాత ధరలపై నిన్నటి వరకే ఆర్డర్లు తీసుకున్నట్లుగా సమాచారం. రేపటి నుంచి కొత్త ధరలతోనే బుకింగ్స్ ప్రారంభం కానున్నాయి. ఇప్పటికే వివిధ సామాగ్రి ధరలు పెరగగా.. తాజాగా సిమెంట్ రేట్లు పెరగడంతో కొత్తగా ఇల్లు కట్టుకోవాలనుకునే వారు అదనపు భారాన్ని మోయాల్సిన పరిస్థితి నెలకొంది.
ఇది కూడా చదవండి..: Chicken shops bandh Telangana | మాంసం ప్రియులకు బ్యాడ్న్యూస్.. రేపటి నుంచి చికెన్ షాపులు బంద్..
