Central Government Salary Hike | కేంద్ర ప్రభుత్వ ఉద్యోగులకు వేతనం పెంపు!.. ఎప్పటినుంచి అమలులోకి రావొచ్చంటే?

అక్షరటుడే, వెబ్​డెస్క్ : Central Government Salary Hike | కేంద్ర ప్రభుత్వ ఉద్యోగులు, పెన్షనర్లు ఆసక్తిగా ఎదురుచూస్తున్న వేతన సవరణపై రకరకాల ఊహాగానాలు వెలువడుతున్నాయి. వేతన సవరణ జరిగితే రక్షణ విభాగాలు, రైల్వేలు, కేంద్ర ప్రభుత్వ శాఖలు, ఇతర ప్రభుత్వ సంస్థల్లో నేరుగా పనిచేసే వారికి, అలాగే కేంద్ర ప్రభుత్వ పెన్షనర్లకు ప్రయోజనం చేకూరుతుంది. 34 శాతం వరకు వేతనం పెరగవచ్చన్న ప్రచారం జరుగుతోంది. అయితే ఇది 8వ వేతన సంఘం సంబంధిత అంచనాలు/సిఫారసులు మాత్రమే.

Central Government Salary Hike | జీతాలు ఎంత పెరగొచ్చంటే?

ఫిట్‌మెంట్ ఫ్యాక్టర్ (Fitment Factor) అనేది జీతాల పెంపును నిర్ణయించే కీలక అంశం. ద్రవ్యోల్బణం, డీఏ, ఆర్థిక వృద్ధి తదితర అంశాలను పరిగణనలోకి తీసుకుని దీనిని నిర్ధారిస్తారు. ఏడో వేతన సంఘంలో ఫిట్‌మెంట్ ఫ్యాక్టర్‌ను 2.57 గా నిర్ణయించారు. ఎనిమిదో వేతన సంఘం కూడా దీనినే కొనసాగించే అవకాశాలు ఉన్నాయని భావిస్తున్నారు. ఇదే ఫిట్‌మెంట్ ఆధారంగా వేతనం పెంచితే ఉద్యోగుల కనీస బేసిక్ పే ఏకంగా రూ.46 వేలకు చేరనుంది. ఉన్నత స్థాయి అధికారుల వేతనాలు కూడా 34 శాతం వరకు పెరుగుతాయని అంచనా వేస్తున్నారు. ఈ పెంపు జనవరి 2026 నుంచి అమలు కావచ్చన్న వార్తలు సోషల్ మీడియాలో సర్క్యులేట్ అవుతున్నాయి. అయితే ఇప్పటివరకు కమిషన్ ఫైనల్ రిపోర్ట్ ఇవ్వలేదు.

Central Government Salary Hike | డీఏ 2 శాతం పెరిగే అవకాశం

కేంద్ర ప్రభుత్వ ఉద్యోగుల (Central government employees) వేతనం 34 శాతం పెరిగినా అది మొత్తం వేతనంపై ఉండదు. ఇది బేసిక్ పేలో మార్పు, డీఏ మార్జ్, ఇతర అలవెన్సులు కలిపి సగటు ప్రభావం ఉంటుంది. ప్రస్తుతం ఏడో వేతన సంఘం సిఫారసుల ఆధారంగా వేతనం అందుతోంది. డీఏ ప్రస్తుతం 58 శాతంగా ఉంది. ఇది 2 శాతం పెంపుతో 60 శాతానికి చేరుతుందని ఆశిస్తున్నారు. డీఏ పెంపును ఈ నెలలో ప్రకటించే అవకాశాలున్నాయి.

Central Government Salary Hike | గతేడాది కమిషన్ ఏర్పాటు

కేంద్ర ప్రభుత్వం (Central Government) 2025 లో ఎనిమిదో వేతన సంఘాన్ని ఏర్పాటు చేసింది. 18 నెలల్లోగా నివేదికను సమర్పించాల్సి ఉంటుంది. ఇంటరిమ్ రిపోర్ట్ త్వరలో వస్తుందని భావిస్తున్నారు. ఫైనల్ రిపోర్ట్ వచ్చే ఏడాది వస్తుందన్న అంచనాలున్నాయి. ఎనిమిదో వేతన సంఘం ఫైనల్ సిఫారసులు వచ్చాక, దానిని కేంద్ర క్యాబినెట్ ఆమోదించాకే వేతనాల పెంపుపై స్పష్టత రానుంది. కాగా ఆ సిఫార్సులు 2026 జనవరి 1 నుంచే అమలులోకి వచ్చే అవకాశాలున్నాయి.

ఇది కూడా చదవండి..: Delhi CCTV Removal | ఢిల్లీలో భారీగా సీసీ కెమెరాల తొలగింపు