అక్షరటుడే, వెబ్డెస్క్: Chahal Fitness IPL 2026 | ఐపీఎల్ 2026 కోసం కొత్త నిర్ణయం తీసుకున్న చాహల్.. ఆరు నెలలుగా మద్యానికి దూరంటీమిండియా వెటరన్ లెగ్ స్పిన్నర్, పంజాబ్ కింగ్స్ కీలక ఆటగాడు యుజ్వేంద్ర చాహల్ Chahal ఐపీఎల్ 2026 సీజన్కు ముందు తన జీవితంలో కీలక నిర్ణయం తీసుకున్నాడు. ఫిట్నెస్ మెరుగుపరుచుకోవడం కోసం ఆరు నెలలుగా మద్యపానానికి పూర్తిగా దూరంగా ఉన్నానని ఆయన వెల్లడించాడు..
దక్షిణాఫ్రికా క్రికెట్ దిగ్గజం ఏబీ డివిలియర్స్ యూట్యూబ్ ఛానెల్లో జరిగిన ఓ పాడ్కాస్ట్లో పాల్గొన్న చాహల్ ఈ విషయాలను వెల్లడించాడు. తన కెరీర్ చివరి దశలో మరింత ఫిట్గా ఉండి జట్టుకు పూర్తి స్థాయిలో సహాయం చేయాలనే ఉద్దేశంతో ఈ నిర్ణయం తీసుకున్నట్లు తెలిపాడు..
Chahal Fitness IPL 2026 | ఫిట్నెస్పై పూర్తి దృష్టి
ఈ సందర్భంగా చాహల్ మాట్లాడుతూ.. నేను మద్యం సేవించడం మానేసి ఇప్పటికే ఆరు నెలలకు పైగా అయింది. ప్రస్తుతం నా వయసు 35 ఏళ్లు. ఈ వయసులో కూడా మైదానంలో చురుకుగా ఉండి నా జట్టు కోసం 150 శాతం ప్రదర్శన ఇవ్వాలనుకుంటున్నాను” అని చెప్పాడు.
Chahal Fitness IPL 2026 | అందుకే ఫిట్నెస్పై ప్రత్యేక శ్రద్ధ
జట్టులో సీనియర్ ఆటగాడిగా ఇతరులు తనను చూసి ఏదైనా నేర్చుకోవాలని కోరుకుంటున్నానని, అందుకే ఫిట్నెస్పై ప్రత్యేకంగా శ్రద్ధ పెట్టుతున్నానని వివరించాడు. గత ఐపీఎల్ 2025 సీజన్లో పంజాబ్ కింగ్స్ అద్భుతంగా ఆడినప్పటికీ చివరికి టైటిల్ దక్కలేదు. శ్రేయస్ అయ్యర్ Shreyas Ayyer నాయకత్వంలోని జట్టు ఫైనల్ వరకు దూసుకెళ్లింది. అయితే ఫైనల్ మ్యాచ్లో రాయల్ ఛాలెంజర్స్ బెంగళూరు చేతిలో కేవలం 6 పరుగుల తేడాతో ఓటమి పాలైంది. ఆ ఓటమి ఇప్పటికీ తనను బాధిస్తోందని చాహల్ పేర్కొన్నాడు.
ఫైనల్ మ్యాచ్లో దక్షిణాఫ్రికా ఆల్రౌండర్ మార్కో యాన్సెన్ లేకపోవడం జట్టుకు పెద్ద లోటుగా మారిందని చాహల్ అభిప్రాయపడ్డాడు. ఫైనల్లో మేము యాన్సెన్ను చాలా మిస్ అయ్యాం. అతను జట్టులో ఉండి ఉంటే మేం కచ్చితంగా ఛాంపియన్ అయ్యేవాళ్లం. బౌలింగ్తో పాటు చివరలో భారీ సిక్సర్లు కొట్టే అతని సామర్థ్యం జట్టుకు ఎంతో ఉపయోగపడేది అని చాహల్ తెలిపాడు.
Chahal Fitness IPL 2026 | టైటిల్ అందించడమే ప్రధాన లక్ష్యం
గత సీజన్ చివరి దశలో తన ప్రదర్శనపై కూడా చాహల్ నిరాశ వ్యక్తం చేశాడు. కేకేఆర్తో KKR జరిగిన మ్యాచ్ తర్వాత తన పక్కటెముక విరగడంతో పాటు వేలికి కూడా ఫ్రాక్చర్ అయ్యిందని చెప్పాడు. ఆ గాయాల కారణంగా సెమీఫైనల్, ఫైనల్ మ్యాచ్లలో తన అసలైన లెగ్ స్పిన్ బౌలింగ్ చేయలేకపోయానని తెలిపాడు. ఈ సీజన్లో అలాంటి పరిస్థితి రాకుండా ఉండేందుకు ఇప్పుడు తన శరీర ఫిట్నెస్పై పూర్తి దృష్టి పెట్టానని చాహల్ స్పష్టం చేశాడు. ఐపీఎల్ 2026లో పంజాబ్ కింగ్స్కు టైటిల్ అందించడమే తన ప్రధాన లక్ష్యమని వెల్లడించాడు.
ఇది కూడా చదవండి..: BCCI Contract Changes | బీసీసీఐ కాంట్రాక్ట్ మార్పులతో బుమ్రాకు షాక్?.. రూ.2 కోట్ల నష్టం అంటూ సోషల్ మీడియాలో చర్చ
