అక్షరటుడే, వెబ్డెస్క్: Crude Oil Price Fall | ఇంధన ధరలను నియంత్రించే చర్యల్లో భాగంగా చమురుపై ఆంక్షలను సడలించనున్నట్లు యూఎస్ అధ్యక్షుడు ట్రంప్ ప్రకటించారు. ఇరాన్తో యుద్ధం ముగింపు దశకు చేరుకుంటోందని పేర్కొన్నారు.
పశ్చిమాసియాలో ఉద్రిక్తతలు త్వరలో తగ్గుతాయన్న ఆశలతో ఇన్వెస్టర్లు కనిష్టాల వద్ద కొనుగోళ్లకు మద్దతుగా నిలిచారు. దీంతో గత సెషన్లో భారీ నష్టాలతో ముగిసిన గ్లోబల్ మార్కెట్లు (Global Markets).. ట్రంప్ వ్యాఖ్యలతో తేరుకుని ఈరోజు లాభాల బాట పట్టాయి. ముడి చమురు ధర తగ్గడం, రూపాయి విలువ కొంత బలపడడంతో మన మార్కెట్లు లాభాలతో సాగుతున్నాయి.
Crude Oil Price Fall | గ్యాప్ అప్లో ప్రారంభం..
దేశీయ స్టాక్ మార్కెట్ (Domestic stock market) మంగళవారం భారీ లాభాలతో ప్రారంభమైంది. సెన్సెక్స్ 809 పాయింట్ల లాభంతో ప్రారంభమైనా గరిష్టాల వద్ద ప్రాఫిట్ బుకింగ్తో 630 పాయింట్లు కోల్పోయింది. తర్వాత కోలుకుని 781 పాయింట్లు ఎగబాకింది. నిఫ్టీ 252 పాయింట్ల లాభంతో ప్రారంభమై అక్కడినుంచి 201 పాయింట్లు పడిపోయింది. తిరిగి కోలుకుని 224 పాయింట్లు పెరిగింది. ఉదయం 11.40 గంటల ప్రాంతంలో సెన్సెక్స్ 658 పాయింట్ల లాభంతో 78,224 వద్ద, నిఫ్టీ 221 పాయింట్ల లాభంతో 24,249 వద్ద కదలాడుతున్నాయి.
Crude Oil Price Fall | ఐటీలో మినహా..
ఐటీ, ఆయిల్ అండ్ గ్యాస్ సెక్టార్లు మినహా మిగిలిన ఇండెక్స్లు లాభాలతో సాగుతున్నాయి. నిఫ్టీ (Nifty) ఆటో ఇండెక్స్ 2.29 శాతం, కన్జూమర్ డ్యూరెబుల్స్ 1.97 శాతం, ఫైనాన్షియల్ సర్వీసెస్ 1.80 శాతం, బ్యాంక్ నిఫ్టీ 1.60 శాతం, ఫార్మా, మెటల్, పవర్, యుటిలిటీ, రియాలిటీ, క్యాపిటల్ గూడ్స్ ఇండెక్స్లు ఒక శాతానికిపైగా లాభంతో ఉన్నాయి. ఐటీ ఇండెక్స్ 0.81 శాతం, ఆయిల్ అండ్ గ్యాస0.11 శాతం నష్టంతో ఉన్నాయి.
Top gainers : బీఎస్ఈ సెన్సెక్స్లో 22 స్టాక్స్ లాభాలతో ఉండగా.. 8 స్టాక్స్ నష్టాలతో ట్రేడ్ అవుతున్నాయి. ఇండిగో 3.77 శాతం, ఐసీఐసీఐ బ్యాంక్ 2.54 శాతం, అల్ట్రాటెక్ సిమెంట్ 2.46 శాతం, ఆసియన్ పెయింట్ 2.24 శాతం, ఎం అండ్ ఎం 4.53 శాతం లాభాలతో ఉన్నాయి.
Top losers : ఇన్ఫోసిస్ 1.41 శాతం, ఎటర్నల్ 1.37 శాతం, టెక్ మహీంద్రా 0.70 శాతం, టీసీఎస్ 0.62 శాతం, ఎయిర్టెల్ 0.61 శాతం నష్టాలతో ఉన్నాయి.
ఇది కూడా చదవండి..: Dalal Street Black Monday | దేశీయ మార్కెట్లలో బ్లడ్బాత్.. కల్లోలం సృష్టించిన క్రూడ్ ఆయిల్ ధర..
