అక్షరటుడే, న్యూఢిల్లీ: Crude Oil Prices | అమెరికా -ఇరాన్(Iran) మధ్య ఉద్రిక్తతలు కొనసాగుతున్నాయి. దాడులు, ప్రతిదాడులతో మధ్యప్రాచ్యం అట్టుడుకుతోంది. కీలకమైన హార్ముజ్ జలసంధిని ఇరాన్ మూసివేయడంతో ముడి చమురు ధరలకు రెక్కలొచ్చాయి. దీంతో ద్రవ్యోల్బణం(Inflation) పెరుగుతుందన్న ఆందోళనతో గ్లోబల్ స్టాక్ మార్కెట్లు నెగెటివ్గా స్పందిస్తున్నాయి.
గత సెషన్లో వాల్స్ట్రీట్తోపాటు యూరోపియన్ మార్కెట్లు భారీ నష్టాలతో ముగిశాయి. దక్షిణ కొరియాకు చెందిన కోస్పీ 8 శాతానికిపైగా నష్టంతో ఉంది. ఈ నేపథ్యంలో బుధవారం ఉదయం మన మార్కెట్లు సైతం భారీ నష్టాలతో ప్రారంభమయ్యే అవకాశాలు కనిపిస్తున్నాయి.
Crude Oil Prices | యూఎస్ మార్కెట్లు..
గత సెషన్లో వాల్స్ట్రీట్(Wallstreet) నష్టాలతో ముగిసింది.. నాస్డాక్ 1.01 శాతం, ఎస్ అండ్ పీ 0.96 శాతం నష్టపోయాయి. బుధవారం ఉదయం డౌజోన్స్ ఫ్యూచర్స్ 0.28 శాతం నష్టంతో ఉంది.
Crude Oil Prices | యూరోప్ మార్కెట్లు..
సీఏసీ 3.58 శాతం, డీఏఎక్స్(DAX) 3.56 శాతం, ఎఫ్టీఎస్ఈ 2.82 శాతం నష్టపోయాయి.
ఆసియా మార్కెట్లు..
ప్రధాన ఆసియా మార్కెట్లు భారీ నష్టాలతో ఉన్నాయి. ఉదయం 7.50 గంటల ప్రాంతంలో సౌత్ కొరియాకు చెందిన కోస్పీ(Kospi) 8.10 శాతం, జపాన్కు చెందిన నిక్కీ 3.45 శాతం, తైవాన్ స్టాక్ ఎక్స్ఛేంజ్ 3.01 శాతం, హాంగ్కాంగ్కు చెందిన హాంగ్సెంగ్ 1.57 శాతం, సింగపూర్కు చెందిన స్ట్రెయిట్ టైమ్స్ 0.77 శాతం, చైనాకు చెందిన షాంఘై 0.71 శాతం నష్టంతో ఉన్నాయి. గిఫ్ట్ నిఫ్టీ 2.23 శాతం నష్టంతో ఉంది. ఈ నేపథ్యంలో మన మార్కెట్లు భారీ గ్యాప్ డౌన్లో ప్రారంభం అయ్యే అవకాశాలు కనిపిస్తున్నాయి.
గమనించాల్సిన అంశాలు..
- ఎఫ్ఐఐలు గత సెషన్లో నికరంగా రూ. 3,295 కోట్ల విలువైన స్టాక్స్ విక్రయించారు.
- డీఐఐలు నికరంగా రూ. 8,593 కోట్ల విలువైన స్టాక్స్ కొన్నారు.
- నిఫ్టీ పుట్కాల్ రేషియో(PCR) 0.63 నుంచి 0.99 కు చేరింది.
- విక్స్ 25.01 శాతం పెరిగి 17.13 కి చేరి, గతేడాది జూన్ 2 తర్వాత గరిష్టాన్ని నమోదు చేసింది. విక్స్ ఇంతలా పెరగడం మార్కెట్లో నెలకొన్న భయాలకు సంకేతం.
- డాలర్తో రూపాయి మారకం విలువ 49 పైసలు బలహీనపడి 91.47 వద్ద ఉంది.
- బ్రెంట్ క్రూడ్ ఆయిల్(Crude oil) ధర బ్యారెల్కు 82.50 డాలర్లకు చేరింది.
