అక్షరటుడే, వెబ్డెస్క్ : CS Tenure Extension | రాష్ట్ర ప్రభుత్వం సీఎస్ రామకృష్ణారావు (CS Ramakrishna Rao) పదవీకాలన్ని మూడు నెలలు పొడిగించిన విషయం తెలిసిందే. ఆయన సర్వీస్ను రెండో సారి పొడిగిస్తూ బుధవారం ఉత్తర్వులు జారీ చేసింది. ఈ నేపథ్యంలో రిటైర్డ్ ఐపీఎస్ అధికారి ఎం నాగేశ్వర్ రావు (Nageswar Rao), సీబీఐ (CBI) మాజీ డైరెక్టర్ సీఎం రేవంత్రెడ్డికి లేఖ రాశారు.
అధికారుల పదవీ కాలం పొడిగింపుపై నాగేశ్వర్రావు ఆందోళన వ్యక్తం చేశారు. ప్రతి సివిల్ సర్వెంట్ అధికారి పదవి విరమణకు ముందే ఉన్నత స్థానాలకు చేరుకోవాలని ఆశిస్తారని ఆయన పేర్కొన్నారు. ఈ ఆశయమే అన్ని సర్వీసులలోని (ఐఏఎస్, ఐపీఎస్, ఐఎఫ్ఓఎస్, రాష్ట్ర కేడర్లు) అధికారులను వారి కెరీర్ మొత్తంలో నిలకడగా పనిచేయడానికి, నిజాయితీని పాటించడానికి ప్రేరేపిస్తుందన్నారు. అయితే పదవీ విరమణ వయస్సు దాటి ఇచ్చే పొడిగింపులు ఈ పురోగతికి ఆటంకం కలిగిస్తాయని ఆయన ఆందోళన వ్యక్తం చేశారు.
CS Tenure Extension | చాలా మంది ఉంటారు
పదవీకాలం పొడిగింపులు (Term Extensions) కొందరు వ్యక్తులు తప్పనిసరి అనే భావనను పెంపొందిస్తాయని తెలిపారు. సక్రమంగా పనిచేసే వ్యవస్థలో, ఏ ఒక్క అధికారి కూడా తప్పనిసరి కాదన్నారు. అదే సామర్థ్యంతో విధులు నిర్వహించడానికి చాలామంది ఎల్లప్పుడూ ఉంటారన్నారు. తనకు కె. రామకృష్ణారావుతో వ్యక్తిగత పరిచయం లేదన్నారు. ఆయన సామర్థ్యం, నిజాయితీని అనుమానించడం తన ఉద్దేశం కాదని చెప్పారు. అయితే తెలంగాణ కేడర్లో ముఖ్య కార్యదర్శి పదవికి సామర్థ్యం, అర్హత కలిగిన ఇతర సీనియర్ అధికారులు ఉన్నారని తెలిపారు. ఒక పొడిగింపు కోసం వారిని విస్మరించడం ప్రస్తుతం పనిచేస్తున్న అధికారులలో అసంతృప్తిని పెంచే ప్రమాదం ఉందని తెలిపారు.
CS Tenure Extension | అసాధారణ పరిస్థితుల్లో..
అసాధారణ పరిస్థితుల్లో మాత్రమే అధికారుల పదవీ కాలం పొడగించాలని నాగేశ్వర్రావు కోరారు. అత్యవసర పరిస్థితులు, జాతీయ భద్రతా అవసరాలు, తగిన ప్రత్యామ్నాయం లేని సందర్భాల్లో మాత్రమే అధికారుల సర్వీస్ పొడిగించాలన్నారు. దీంతో అధికారుల్లో ప్రతిభ ఆధారిత పురోగతి, కెరీర్ అభివృద్ధిపై విశ్వాసం పెరుగుతుందన్నారు.
దీనిని కూడా చదవండి : Ugadi Panchang Predictions | వారికి ఆ నాలుగు నెలలు నరకమే..
