అక్షరటుడే, వెబ్డెస్క్: Denza Z9 GT | ఇటీవలి కాలంలో ఎలక్ట్రిక్ కార్ల (Electric Cars) వినియోగం భారీగా పెరుగుతోంది. ప్రస్తుత ఇంధన సంక్షోభ సమయంలో వీటి డిమాండ్ మరింత పెరిగే అవకాశాలున్నాయి. ఈ నేపథ్యంలో చైనాకు చెందిన బీవైడీ అదిరిపోయే ఫీచర్లతో మరో నూతన మోడల్ను తీసుకువస్తోంది. ప్రీమియం సబ్ బ్రాండ్ అయిన డెంజా నుంచి జెడ్9 జీటీ మోడల్ను యూరోప్ దేశాలోల రిలీజ్ చేయనున్నట్లు కంపెనీ తెలిపింది.
Denza Z9 GT | ఒక్కసారి ఫుల్ చార్జి చేస్తే..
సరికొత్త ఫ్లాష్ చార్జింగ్ సాంకేతికతతో ఐదు నిమిషాల్లోనే పది శాతనుంచి 70 శాతం వరకు చార్జ్ అవుతుందని, మైనస్ 30 డిగ్రీల సెల్సియస్ వంటి గడ్డకట్టే చలిలో కూడా 12 నిమిషాల్లో 20 శాతం నుంచి 97 శాతం వరకు చార్జింగ్ పూర్తవుతుందని చెబుతోంది. ఒక్కసారి ఫుల్ చార్జి చేస్తే 1,000 కిలోమీటర్ల రేంజ్ ఇస్తుందని కంపెనీ పేర్కొంటోంది. కారు ధర, పూర్తి ఫీచర్లను వచ్చే నెలలో జరిగే లాంచ్ ఈవెంట్లో అధికారికంగా ప్రకటించనున్నారు.
Denza Z9 GT | మూడు సెకన్లలోనే 100 కేఎంపీహెచ్ స్పీడ్..
2026 బీవైడీ డెంజా జెడ్ 9 జీటీ కారు హై పర్ఫార్మెన్స్ లగ్జరీ ఎలక్ట్రిక్ షూటింగ్ బ్రేక్ కారుగా కంపెనీ పేర్కొంది. ఈ కారులో మూడు మోటార్ల వ్యవస్థను ఉపయోగించారు. 123 కేడబ్ల్యూహెచ్ బ్యాటరీ ఉంటుంది. ఇది దాదాపు 952 హార్స్ పవర్ సామర్థ్యాన్ని అందిస్తుంది. కేవలం మూడు సెకన్లలోనే 100 కేఎంపీహెచ్ వేగాన్ని అందుకుంటుందని కంపెనీ చెబుతోంది.ఇది మైనస్ 30 డిగ్రీల సెల్సియస్ వంటి పరిస్థితిలోనూ 12 నిమిషాల్లో 20 శాతం నుంచి 97 శాతం వరకు చార్జ్ అవుతుందని చెబుతోంది. యూరోప్ మార్కెట్ను దృష్టిలో ఉంచుకుని దీనిని తీసుకువచ్చినట్లు అర్థమవుతోంది. ఇది యూరోప్ (Europe)లోని పోర్షే టైకాన్ వంటి కార్లకు గట్టి పోటీ ఇస్తుందని భావిస్తున్నారు.డెంజా జెడ్9 జీటీ ధర రూ. 36 లక్షలనుంచి రూ. 50 లక్షల మధ్యలో ఉండే అవకాశాలున్నాయి.
ఇది కూడా చదవండి..: Indian Stock Market | ఒడిదుడుకుల్లో మార్కెట్లు.. స్వల్ప లాభాల్లో సూచీలు
