అక్షరటుడే, వెబ్డెస్క్ : Dhurandhar 2 Collections | భారతీయ సినీ పరిశ్రమ (Indian Film Industry)లో ఒకప్పుడు రూ.100 కోట్ల క్లబ్ పెద్ద విజయంగా భావించేవారు. కానీ కాలక్రమేణా మార్కెట్ విస్తరణ, పాన్ ఇండియా సినిమాల ట్రెండ్తో ఇప్పుడు రూ.1000 కోట్ల క్లబ్ కొత్త లక్ష్యంగా మారింది.
ఈ భారీ మైలురాయిని తొలిసారిగా దేశీయంగా సెట్ చేసిన చిత్రం బాహుబలి 2. ఎస్.ఎస్. రాజమౌళి (Rajamouli) దర్శకత్వంలో ప్రభాస్ హీరోగా తెరకెక్కిన ఈ చిత్రం ప్రపంచవ్యాప్తంగా భారీ వసూళ్లు సాధించి ఇండియన్ సినిమా స్థాయిని పెంచింది. అయితే అంతకుముందే దంగల్ ఈ క్లబ్లోకి ప్రవేశించినప్పటికీ, అది ముఖ్యంగా చైనా మార్కెట్ కలెక్షన్ల వల్ల సాధ్యమైంది. ఆ తర్వాత RRR, కేజీఎఫ్ 2, కల్కి 2898 AD, పుష్ప 2 వంటి పలు పాన్ ఇండియా చిత్రాలు ఈ ఘనతను అందుకున్నాయి.
Dhurandhar 2 Collections | రూ. వెయ్యి కోట్లు టార్గెట్..
ఇక తాజాగా ధురంధర్ 2 విడుదలైన మొదటి వారంలోనే రూ.1000 కోట్ల క్లబ్లో చేరి సంచలనం సృష్టించింది. ఇది ఈ మైలురాయిని అందుకున్న 10వ భారతీయ చిత్రం కాగా.. హిందీలో ఐదో చిత్రం కావడం విశేషం. ఈ సినిమా జోరు చూస్తుంటే రూ.2000 కోట్ల మార్క్ను కూడా చేరుకునే అవకాశాలు ఉన్నాయని ట్రేడ్ వర్గాలు అంచనా వేస్తున్నాయి. ‘ధురంధర్’ ఫ్రాంచైజ్ కూడా ప్రత్యేకంగా నిలుస్తోంది. తొలి భాగమైన ధురంధర్ ఇప్పటికే రూ.1300 కోట్లకు పైగా వసూళ్లు సాధించగా, ఇప్పుడు సీక్వెల్ మరింత భారీ విజయాన్ని నమోదు చేస్తోంది. రణవీర్ సింగ్ ప్రధాన పాత్రలో నటించిన ఈ యాక్షన్ డ్రామా బాక్సాఫీస్ వద్ద సునామీ సృష్టిస్తోంది.
Dhurandhar 2 Collections | పాన్ ఇండియా రేంజ్..
హిందీ చిత్రాల విషయానికి వస్తే పఠాన్, జవాన్ సినిమాలు కూడా రూ.1000 కోట్ల క్లబ్లోకి ప్రవేశించి బాలీవుడ్ మార్కెట్ శక్తిని మరోసారి నిరూపించాయి. ఈ చిత్రాల్లో షారుఖ్ ఖాన్ నటన ప్రత్యేక ఆకర్షణగా నిలిచింది. అయితే ప్రపంచవ్యాప్తంగా భారతీయ సినిమాల ప్రాభవం రోజురోజుకు పెరుగుతోంది. భారీ బడ్జెట్, పాన్ ఇండియా రేంజ్, అంతర్జాతీయ మార్కెట్ విస్తరణతో బాక్సాఫీస్ వసూళ్లు కొత్త రికార్డులను సృష్టిస్తున్నాయి. ఈ నేపథ్యంలో ఆల్టైమ్ టాప్-10 ఇండియన్ గ్రాసర్స్ జాబితా సినీ ప్రియుల్లో ఆసక్తి రేకెత్తిస్తోంది. ఈ జాబితాలో దంగల్ అగ్రస్థానంలో నిలిచింది. అమీర్ ఖాన్ నటించిన ఈ చిత్రం ప్రపంచవ్యాప్తంగా రూ.2,070 కోట్లకు పైగా వసూళ్లు సాధించి ఇప్పటికీ నంబర్ వన్గా కొనసాగుతోంది. రెండో స్థానంలో బాహుబలి 2 ఉంది. ప్రభాస్, ఎస్.ఎస్.రాజమౌళి కాంబినేషన్లో వచ్చిన ఈ చిత్రం రూ.1,810 కోట్లకు పైగా వసూళ్లు సాధించి ఇండియన్ సినిమా స్థాయిని అంతర్జాతీయ స్థాయికి తీసుకెళ్లింది.
Dhurandhar 2 Collections | దక్షిణాది భాషల్లో కూడా భారీ స్పందన
మూడో స్థానంలో పుష్ప 2 నిలవగా, నాలుగో స్థానంలో ధురంధర్ ఉంది. ఐదో స్థానంలో RRR, ఆ తర్వాత కేజీఎఫ్ 2, జవాన్, పఠాన్ వరుసగా నిలిచాయి. ఇక తొమ్మిదో స్థానంలో కల్కి 2898 AD ఉండగా, తాజాగా విడుదలైన ధురంధర్ 2 ఇప్పటికే రూ.1000 కోట్ల మార్క్ను దాటేసి 10వ స్థానంలో కొనసాగుతోంది. ఇంకా రన్లో ఉన్న ఈ సినిమా మరింత పైకి ఎదగడం ఖాయమనే అంచనాలు ఉన్నాయి. ప్రస్తుతం ‘ధురంధర్ 2’ కలెక్షన్ల వేగం చూస్తుంటే, టాప్-5లోకి కూడా ఎంట్రీ ఇచ్చే అవకాశం ఉందని ట్రేడ్ వర్గాలు చెబుతున్నాయి. ముఖ్యంగా హిందీతో పాటు దక్షిణాది భాషల్లో కూడా ఈ చిత్రం భారీ స్పందన పొందుతోంది.
మొత్తానికి, భారతీయ సినిమాలు ఇప్పుడు గ్లోబల్ బాక్సాఫీస్ వద్ద సరికొత్త చరిత్ర సృష్టిస్తున్నాయి. రూ.1000 కోట్ల క్లబ్ మాత్రమే కాదు, రూ.2000 కోట్ల లక్ష్యంతో ముందుకు దూసుకెళ్తున్న ఈ ట్రెండ్ భవిష్యత్తులో మరింత బలపడనుంది.
ఇది కూడా చదవండి : Ramayana Glimpse Release | రామాయణం చిత్రం… రామ గ్లింప్స్ విడుదల అప్పుడే..
