అక్షరటుడే, వెబ్డెస్క్: Dhurandhar 2 Review | ధురంధర్–1 మూవీ బాక్సాఫీస్ను షేక్ చేయగా.. ప్రస్తుతం రిలీజ్ అయిన ‘ధురంధర్ 2: ది రివెంజ్’ సినిమా రికార్డుల సునామీ సృష్టిస్తోంది. అంచనాలకు మించి టాక్ తెచ్చుకోవడంతో సినిమా ప్రేక్షకులు క్యూ కడుతున్నారు. చిత్రం ఎంతో మంది ప్రముఖులు ప్రశంసల వర్షం కురిపిస్తున్నారు. తాజాగా ఈ లిస్ట్లో చేరిపోయారు దర్శక ధీరుడు ‘రాజమౌళి’(Rajamouli). ‘ధురంధర్ 2’ మాస్టర్ క్లాస్ అంటూ కితాబు ఇచ్చారు. ఈ మేరకు సోషల్ మీడియాలో పోస్టు చేశారు
Dhurandhar 2 Review | ఇంకా ఏమన్నారంటే..
బాక్సాఫీస్ వద్ద రికార్డులు సృష్టిస్తున్న ‘ధురంధర్ 2: ది రివెంజ్’ మూవీకి మరో స్పెషల్ గుర్తింపు దక్కింది. దర్శక ధీరుడు ఎస్.ఎస్.రాజమౌళి ప్రశంసల జల్లు కురిపించారు. సోషల్ మీడియా (Social Media)లో సుదీర్ఘమైన రివ్యూ పంచుకున్నారు. ఇది ప్రస్తుతం నెట్టింట వైరల్గా మారింది. సినిమా స్థాయి, రచన, అందులోని భావోద్వేగ లోతును కొనియాడారు. “నేను ధురంధర్-1ను ఎంతో ప్రేమించాను.. కానీ ‘ధురంధర్ 2 : ది రివెంజ్’ దాని స్థాయి, ఆత్మ రెండింటిలోనూ అసలు సినిమాను మించిపోయింది” అని రాసుకొచ్చారు.
Dhurandhar 2 Review | డైరెక్టర్ ఆదిత్య ధర్ అదరగొట్టాడు..
‘‘చిత్రంలో సాంకేతిక అంశాలు, యాక్టర్ల ఎంపిక, ప్రపంచ స్థాయి రూపకల్పనలో ఎలాంటి లోపం లేదు. నాలుగు గంటల నిడివి గల సినిమాను తీసేందుకు గట్స్ ఉండాలి. డైరెక్టర్ ఆదిత్య ధర్ (Director Aditya Dhar) అదరగొట్టారు. లాస్ట్ ఫ్రేమ్ వరకు ఆడియన్స్ సీట్లకు అతుక్కుపోయారు’’ అంటూ ఆకాశానికి ఎత్తేశారు.
Dhurandhar 2 Review | రణ్వీర్, మాధవన్ల నటనపై ప్రశంసలు
హీరో రణ్వీర్ సింగ్ (Hero Ranveer Singh) నటనను రాజమౌళి ‘స్టాండౌట్’గా అభివర్ణించారు. “ఏమి నటన మిత్రమా! షెడ్లో సోదరితో వచ్చే సీన్.. నటనలో ఇది మాస్టర్క్లాస్. సినిమా స్టార్టింగ్ నుంచి హృదయ విదారక క్లైమాక్స్ వరకు హమ్జా, జస్కిరాత్ పాత్రల్లో మంత్రముగ్ధులను చేశావ్” అంటూ మెచ్చుకున్నారు. ఇక మాధవన్ నటనను కూడా రాజమౌళి కొనియాడారు. ఒక దేశపు నిస్సహాయతను తన పాత్ర ద్వారా అద్భుతంగా పండించారని కితాబు ఇచ్చారు. మహేష్ బాబు, జూనియర్ ఎన్టీఆర్, అల్లు అర్జున్, రాజమౌళి ఇలా సినీ ప్రముఖులంతా ‘ధురంధర్ 2’ చిత్రాన్ని ప్రశంసలతో ముంచెత్తుతుండడంతో సినిమాపై మరింత క్రేజ్ పెరుగుతోంది.
ఇది కూడా చదవండి..: Ustaad Bhagat Singh Ticket Prices | ఉస్తాద్ భగత్సింగ్ టికెట్ రేట్లు పెంపు
