Money Plant | మీ ఇంట్లో మనీ ప్లాంట్ ఉందా?అయితే అదృష్టం మీ వెంటే..

అక్షరటుడే, హైదరాబాద్ : Money Plant | ఈ రోజుల్లో దాదాపు ప్రతి ఒక్కరి ఇంట్లో కనిపించే మొక్కల్లో మనీ ప్లాంట్ తప్పనిసరిగా ఉంటుంది. చాలామంది దీనిని కేవలం ఇంటి అందం కోసం లేదా ఇంటికి మంచి కల రావాలనే ఉద్దేశంతో పెంచుకుంటారు.

అయితే, పండితులు చెప్పే దాని ప్రకారం, మనీ ప్లాంట్‌ (Money Plant)ను ఇంటి అందం కోసమే కాకుండా, ఇంకా అనేక ముఖ్యమైన కారణాల వల్ల ఇంట్లో పెంచుకోవాలి. ఈ మొక్క ఇంటి లోపల, పెరట్లో లేదా మట్టి లేకుండా కేవలం నీటిలో కూడా చాలా సులభంగా పెరుగుతుంది. కొంతమంది వాస్తు ప్రకారం, మరికొంతమంది సంపద కోసం ఈ మొక్కను పెంచుకుంటారు. అయితే, ఈ మొక్కను ఇంట్లో పెంచుకోవడం వలన కేవలం ఆర్థిక ప్రయోజనాలే కాక, మానసిక ప్రశాంతత, మంచి ఆరోగ్యం కూడా లభిస్తాయని వాస్తు శాస్త్ర నిపుణులు చెప్తున్నారు. మనీ ప్లాంట్ వల్ల కలిగే పూర్తి ప్రయోజనాల గురించి ఇప్పుడు తెలుసుకుందాం.

మనీ ప్లాంట్ ఇంట్లో ఎందుకు ఉండాలి?

మనీ ప్లాంట్ ఇంటిలోపల పెంచుకోవడం వలన అనేక అద్భుతమైన ప్రయోజనాలు ఉన్నాయని వాస్తు నిపుణులు ,పండితులు వివరిస్తున్నారు.

మానసిక ప్రశాంతత, ఒత్తిడి తగ్గింపు : మానసిక ఒత్తిడి ఎదుర్కొంటున్నవారు, అలాగే ఆరోగ్యపరంగా సతమతం అవుతున్నవారు తప్పకుండా ఇంటి లోపల మనీ ప్లాంట్‌ను పెంచుకోవాలని వాస్తు శాస్త్ర నిపుణులు చెప్తున్నారు. ఈ మొక్కను చూడటం ద్వారా ఒత్తిడి తగ్గిపోయి, మనసుకు ప్రశాంతత లభిస్తుంది.

గాలి శుద్ధి (Air Purification) : మనీ ప్లాంట్ ఇంటి లోపలి గాలిని శుద్ధి చేయడంలో కీలకంగా పనిచేస్తుంది. ఇది వాతావరణంలో ఉండే ఫార్మాల్డిహైడ్ (Formaldehyde), బెంజీన్ (Benzene), జైలీన్ (Xylene) వంటి హానికరమైన రసాయనాలను నశింపజేసి, స్వచ్ఛమైన గాలిని విడుదల చేస్తుంది. దీనివల్ల ఆరోగ్యకరమైన వాతావరణం ఏర్పడుతుంది.

ఆర్థిక ప్రయోజనాలు, సంపద పెరుగుదల : మనీ ప్లాంట్ ఉన్న ఇంటికి ఆర్థిక ప్రయోజనాలు చేకూరుతాయని పండితులు చెప్తున్నారు. ముఖ్యంగా వాస్తు శాస్త్రం ప్రకారం, ఏ ఇంట్లో అయితే మనీ ప్లాంట్ మొక్క బాగా పెరుగుతూ ఉంటుందో, ఆ ఇంట్లో ఆర్థిక సమస్యలు ఉండవని, సంపద కూడా పెరుగుతుందని నిపుణులు అంటున్నారు.

ఇంటి అలంకరణ (Aesthetics) : మనీ ప్లాంట్ ఇంటిని అందంగా మార్చడంలో కీలక పాత్ర పోషిస్తుంది. ఇది తక్కువ స్థలంలో, తక్కువ శ్రద్ధతో పెరిగే మొక్క కాబట్టి, చాలా మంది ఇంటి అలంకరణ కోసం దీనిని ఎక్కువగా ఉపయోగిస్తారు.

మొత్తంగా, మనీ ప్లాంట్ ఇంట్లో పెంచుకోవడం ద్వారా మానసిక ప్రశాంతత, మంచి గాలి, ఆర్థిక ప్రయోజనాలు ,అందమైన వాతావరణం వంటి లాభాలను పొందవచ్చు.