అక్షరటుడే, న్యూఢిల్లీ: driving license grading points | వాహనదారులకు కేంద్ర సర్కారు షాకివ్వబోతోంది. డ్రైవింగ్ లైసెన్స్ విషయంలో అతిత్వరలోనే కొత్త నిబంధనలను తీసుకురాబోతోంది. రహదారి ప్రమాదాలను అరికట్టేందుకు కఠిన నిబంధనలు తీసుకురాబోతోంది. ఇకపై ట్రాఫిక్ నిబంధనల ఉల్లంఘనలకు పాల్పడేవారి తాట తీసేందుకు గ్రేడింగ్ పాయింట్ల విధానం తీసుకురాబోతోంది. అంటే ట్రాఫిక్ నిబంధనలు ఉల్లంఘిస్తే పాయింట్లను తగ్గిస్తారన్నమాట. పాయింట్లు అన్నీ అయిపోతే.. ఆరు నెలలపాటు డ్రైవింగ్ లైసెన్స్ ఆరు నెలల పాటు, లేదంటే మొత్తానికి రద్దు చేస్తారు. ఈ మేరకు గురువారం (ఫిబ్రవరి 26) జరిగిన సీఐఐ క్లాన్కేవ్ మీటింగ్లో కేంద్ర రోడ్డు, రవాణాశాఖ మంత్రి నితిన్ గడ్కరీ సదరు గ్రేడింగ్ పాయింట్ల గురించి వివరించారు.
driving license grading points | ఎలా పనిచేస్తుందంటే..
ప్రతి డ్రైవింగ్ లైసెన్స్కు పాయింట్లు ఉంటాయి. ఏదైనా ట్రాఫిక్ ఉల్లంఘనకు పాల్పడితే వాటిని తగ్గిస్తారు. పాయింట్లు మొత్తం కోల్పోయినప్పుడు అధికారులు డ్రైవింగ్ లైసెన్స్ను రద్దు చేస్తారు. ట్రాఫిక్ నిబంధనల పట్ల వాహనదారులకు భయం ఉండటం లేదని, అందువల్లే రోడ్డు ప్రమాదాలు జరుగుతున్నాయని నితిన్ గడ్కరీ అన్నారు.
driving license grading points | కొత్త రూల్స్ త్వరలోనే
గ్రేడ్ పాయింట్లు మొత్తం అయిపోతే.. డ్రైవింగ్ లైసెన్స్పై ఆరు నెలల పాటు నిషేధం విధిస్తారు. పూర్తిగా రద్దు చేసే అవకాశాలు సైతం లేకపోలేదు. దేశంలో ఏటా 1.8 లక్షల మంది రోడ్డు ప్రమాదాల్లో ప్రాణాలు కోల్పోతున్నారని నితిన్ గడ్కరీ తెలిపారు. ప్రజల ప్రాణాలను కాపాడటం కోసం అనేక కఠిన చర్యలు తీసుకుంటున్నట్లు చెప్పారు. డ్రంకెన్ డ్రైవ్, రాంగ్ సైడ్ డ్రైవ్, ఓవర్ స్పీడ్, ఫోన్ మాట్లాడుతూ వాహనం నడపడం వంటి వాటి వల్ల ఎక్కువ ప్రమాదాలు జరుగుతున్నాయన్నారు. అందుకే కఠిన రూల్స్ తీసుకొస్తున్నట్లు చెప్పుకొచ్చారు.
ఇది కూడా చదవండి.: Vijay Rashmika Wedding | పెళ్లి ఫొటోలు పంచుకున్న రష్మిక
