అక్షరటుడే, బాన్సువాడ: Fisheries Society | జిల్లా మత్స్య సహకార సంఘంలో నెలకొన్న విభేదాలు తీవ్రరూపం దాల్చాయి. ఈ నేపథ్యంలో సంఘం జిల్లా ఉపాధ్యక్షుడు పసుపుల పెద్ద సాయిలు, డైరెక్టర్ చింతల సాయిలు మంగళవారం తమ పదవులకు రాజీనామా చేశారు. వారు తమ రాజీనామా పత్రాలను జిల్లా మత్స్య సహకార అధికారి డోలిసింగ్కు సమర్పించారు.
Fisheries Society | జిల్లా అధ్యక్షుడి ధోరణి నచ్చక..
ఈ సందర్భంగా వారు మాట్లాడుతూ జిల్లా అధ్యక్షుడి ధోరణి నచ్చకపోవడంతో రాజీనామా చేసినట్లు తెలిపారు. సంఘం వ్యవహారాల్లో పారదర్శకత లేకుండా, డైరెక్టర్లతో ఎలాంటి చర్చలు జరపకుండా ఏకపక్ష నిర్ణయాలు తీసుకుంటున్నారని విమర్శించారు. ముఖ్యంగా, డైరెక్టర్ల సమావేశం నిర్వహించకుండానే జనరల్ బాడీ సమావేశం నిర్వహించడం అభ్యంతరకరమని పేర్కొన్నారు. కొన్ని సంఘాల్లో అనధికారికంగా డబ్బులు వసూలు చేస్తున్నారని ఆరోపించారు. ఈ చర్యలు సహకార సంఘం నిబంధనలకు విరుద్ధమని, సభ్యుల నమ్మకాన్ని దెబ్బతీసేలా ఉన్నాయని చెప్పారు. కుల సంఘాలకు సముచిత న్యాయం జరగడం లేదని, తమ అభిప్రాయాలను పట్టించుకోకపోవడంతోనే ఈ నిర్ణయం తీసుకున్నామని స్పష్టం చేశారు. సంఘంలో నెలకొన్న విభేదాలు భవిష్యత్తులో మరింత ప్రభావం చూపే అవకాశముందని చర్చ జరుగుతోంది.
ఇది కూడా చదవండి..: POCSO Case | పోక్సో కేసులో కామారెడ్డి కోర్టు సంచలన తీర్పు.. నిందితుడికి 20 ఏళ్ల జైలు..
