అక్షరటుడే, వెబ్డెస్క్: Gas Cylinder Shortage | ఓ వైపు కేంద్ర ప్రభుత్వం (Central Government) దేశంలో గ్యాస్ కొరత లేదని చెబుతోంది. అయినా సరఫరా సక్రమంగా కాకపోవడంతో ప్రజలు ఆందోళన చెందుతున్నారు. గ్యాస్ ఏజెన్సీల వద్ద బారులు తీరుతున్నారు.
తెలుగు రాష్ట్రాల్లో పలు చోట్ల గ్యాస్ సిలిండర్ల కొరత నెలకొంది. .. విజయవాడ (Vijayawada) లో గ్యాస్ కోసం ఏజెన్సీల ముందు వినియోగదారులు బారులు తీరారు. కస్టమర్లు బుక్ చేయకుండానే చేసినట్లు మెసేజ్లు వస్తున్నాయి. దీంతో వారు ఆందోళన చెందుతున్నారు. ఆ మెసేజ్లు చూసుకుని ఏజెన్సీ నిర్వాహకులను ప్రశ్నిస్తే.. తమకు సంబంధం లేదని చెబుతున్నారు. అయితే సిలిండర్లు బుక్ చేసి బ్లాక్లో అమ్ముతున్నారని వినియోగదారులు ఆరోపిస్తున్నారు.
Gas Cylinder Shortage | సంగారెడ్డి జిల్లాలో ఆందోళన
సంగారెడ్డి జిల్లా (Sangareddy District) పటాన్చెరు హెచ్పీ గ్యాస్ గోదాం వద్ద గ్యాస్ వినియోగదారుల ఆందోళన చేశారు. గ్యాస్ ఆన్లైన్లో బుక్ కావడం లేదని, ఓటీపీలు రావట్లేదని, ఒకవేళ బుక్ అయినా కూడా సరఫరా చేయట్లేదని నిరసన తెలిపారు. కాగా పశ్చిమాసియాలో ఉద్రిక్తతల నేపథ్యంలో గల్ఫ్ దేశాల నుంచి గ్యాస్ రవాణా నిలిచిపోయింది. ఈ క్రమంలో దేశంలో సంక్షోభం రాకుండా ప్రభుత్వం చర్యలు చేపట్టింది. కమర్షియల్ సిలిండర్లపై ఆంక్షలు విధించింది. అయితే కొందరు డొమెస్టిక్ సిలిండర్ల కృత్రిమ కొరత సృష్టించి బ్లాక్ మార్కెట్కు తరలిస్తున్నారు. దీంతో ప్రజలు నష్టపోతున్నారు.
Gas Cylinder Shortage | హోటళ్లలో తనిఖీలు
రాష్ట్రవ్యాప్తంగా హోటళ్లలో సివిల్ సప్లయ్స్ అధికారులు (Civil Supplies Officials) తనిఖీలు చేపడుతున్నారు. గ్యాస్ సిలిండర్ల కొరత నేపథ్యంలో హోటళ్లలో డొమెస్టిక్ సిలిండర్లు వినియోగిస్తున్న వారిపై చర్యలు తీసుకుంటున్నారు. జగిత్యాల జిల్లాలో కమర్షియల్కు బదులు, డొమెస్టిక్ సిలిండర్లు వినియోగిస్తున్న పలు హోటల్స్, రెస్టారెంట్స్పై అధికారులు చర్యలు తీసుకున్నారు. కేసులు నమోదు చేస్తామని హెచ్చరించారు.
Gas Cylinder Shortage | వదంతులు నమ్మొద్దు
ఇండియన్ ఆయిల్ (Indian Oil) పెట్రోల్ బంకుల్లో ఆయిల్ సప్లైకి ఎలాంటి ఇబ్బంది లేదని సంస్థ ప్రకటించింది. అన్ని పెట్రోల్ బంకుల్లో పెట్రోల్, డీజిల్ యథావిధిగా సప్లై చేస్తున్నామని తెలిపింది. ఆయిల్ కొరత ఉందనే రూమర్స్ నమ్మొద్దని విజ్ఞప్తి చేసింది. కాగా ఆయిల్ కొరత ఉందంటూ ప్రచారం కావడంతో ప్రజలు పెద్ద ఎత్తున పెట్రోల్ బంక్లకు క్యూ కడుతున్నారు. ట్యాంక్లు ఫుల్ చేయించుకుంటున్నారు. కొందరు డబ్బాల్లో పెట్రోల్, డీజిల్ నింపుకొని ఇళ్లకు తీసుకు వెళ్తున్నారు.
ఇది కూడా చదవండి..: Road Accident on NH44 | జాతీయ రహదారిపై ఘోర ప్రమాదం.. ట్రావెల్స్ బస్సు బోల్తా.. నలుగురి దుర్మరణం
