అక్షరటుడే, వెబ్డెస్క్: Gas Cylinder Shortage | గ్యాస్ కష్టాలు కొనసాగుతున్నాయి. ముఖ్యంగా వాణిజ్య సిలిండర్ల కొరతతో హాస్టళ్లు, హోటళ్ల నిర్వాహకులు తీవ్ర ఇబ్బందులు పడుతున్నారు.
పశ్చిమాసియాలో ఉద్రిక్తతలతో గ్యాస్ రవాణాకు ఆటంకం కలిగిన విషయం తెలిసిందే. దీంతో కేంద్ర ప్రభుత్వం (Central Government) వాణిజ్య సిలిండర్ల సరఫరాపై ఆంక్షలు విధించింది. డొమెస్టిక్ సిలిండర్లకు ఇబ్బందులు తలెత్తకుండా చర్యలు చేపట్టింది. దీంతో హోటళ్లు, హాస్టళ్లు, పాఠశాలలు, ఆలయాలకు గ్యాస్ సరఫరా నిలిచిపోయింది. ప్రభుత్వ పాఠశాలలు, హాస్టళ్లకు ఎల్పీజీ కొరత (LPG Shortage) లేకుండా అధికారులు చర్యలు చేపడుతున్నాయి.
Gas Cylinder Shortage | మూతపడుతున్న హోటళ్లు
గ్యాస్ సిలిండర్ల కొరతతో పలు హోటళ్లు మూత పడుతున్నాయి. హైదరాబాద్ (Hyderabad) నగరంలోని అనేక ప్రైవేట్ హాస్టళ్లలో సైతం గ్యాస్ సరఫరా లేక విద్యార్థులు ఇబ్బందులు పడుతున్నారు. కొన్ని హోటళ్లు, హాస్టళ్లలో కట్టెల పొయ్యి వంట చేస్తున్నారు. పరిస్థితి ఇలాగే కొనసాగితే హాస్టళ్లు మూసివేయాల్సిన పరిస్థితి ఉంటుందని నిర్వాహకులు వాపోతున్నారు. కాగా నగరంలో వేలాది హాస్టళ్లు ఉండగా.. విద్యార్థులు, ప్రైవేట్ ఉద్యోగాలు చేసే వారు, కోచింగ్ తీసుకునే వారు లక్షల్లో ఉంటారు. గ్యాస్ కొరతతో వారిపై ప్రభావం పడుతోంది.
Gas Cylinder Shortage | సూర్యాపేటలో బంద్
గ్యాస్ కొరతతో హోటల్స్, రెస్టారెంట్లు మూతపడుతున్నాయి. కొన్ని చోట్ల కట్టెల పొయ్యి మీద వంట చేస్తున్నారు. సూర్యాపేట (Suryapet)లో హోటల్స్ అసోసియేషన్ బంద్కు పిలుపునిచ్చింది. హోటల్స్, టిఫెన్ సెంటర్లు బంద్ పెట్టి నిరసన తెలుపుతున్నారు. హోటల్స్, రెస్టారెంట్లు, టిఫిన్ సెంటర్స్, టీ స్టాల్స్ అన్నీ బంద్ చేశారు. హోటల్ జేఏసీ ఆధ్వర్యంలో బైక్ ర్యాలీ నిర్వహించారు. ప్రభుత్వం సహకరించాలని వారు కోరారు.
ఇది కూడా చదవండి..: Moinabad Farmhouse Drugs Party | మొయినాబాద్ ఫామ్హౌస్లో కాల్పులు.. పోలీసులపై డ్రగ్గర్స్ దాడి!
