అక్షరటుడే, హైదరాబాద్: Gas Price Impact | ప్రపంచవ్యాప్తంగా ప్రస్తుతం చోటుచేసుకుంటున్న పరిణామాలు సాధారణ ప్రజల జీవితాలపై తీవ్ర ప్రభావం చూపుతున్నాయి. ముఖ్యంగా పశ్చిమాసియాలో యుద్ధ పరిస్థితులు అంతర్జాతీయ మార్కెట్లను అస్థిరతకు గురిచేస్తున్నాయి. ఈ పరిస్థితుల ప్రభావం భారత్పైనా పడుతోంది.
చమురు ధరలు పెరిగే అవకాశం ఉందనే భయంతో నిత్యావసర వస్తువుల ధరలు పెరుగుతాయేమోనని సామాన్య ప్రజలు ఆందోళన చెందుతున్నారు. పెరుగుతున్న ధరల భారాన్ని మోయలేక మధ్యతరగతి, పేద వర్గాల ప్రజలు భవిష్యత్తు గురించి చింతిస్తున్నారు.
Gas Price Impact | క్షేత్రస్థాయి పర్యవేక్షణ ఏది?
గ్యాస్ కొరత లేదని తెలంగాణలో రాష్ట్ర ప్రభుత్వం, కేంద్రంలోని భారాస సర్కారు హామీ ఇస్తున్నా.. క్షేత్రస్థాయి పర్యవేక్షణ లేకపోవడంతో గ్యాస్ ఏజెన్సీ నిర్వాహకులు కృత్రిమ కొరత సృష్టిస్తున్నారు. ఈ ప్రభావం ఇతర మార్కెట్ రంగాలపై పడుతోంది. దీంతో అడ్డగోలుగా ధరలు పెంచేస్తున్నారు. ముఖ్యంగా హెటళ్లు, హాస్టల్ నిర్వాహకులు ఇష్టారితిన వ్యవహరిస్తున్నారు.
Gas Price Impact | విద్యార్థుల ముక్కు పిండి వసూలు..
గ్యాస్ కొరత, చమురు ధరల పెంపు బూచీ చూపుతూ.. విద్యార్థులను హాస్టల్ నిర్వాహకులు పీడిస్తున్నారు. విద్యార్థుల నుంచి ముక్కు పిండి అదనంగా డబ్బులు వసూలు చేస్తున్నారు. ఒక్కో విద్యార్థి నుంచి అదనంగా రూ. 1 వెయ్యి నుంచి రూ. 2 వేల వరకు వసూలు చేస్తుండటం గమనార్హం.
ఈ చర్య వల్ల విద్యార్థులపై అదనపు ఆర్థిక భారం పడుతోందని తల్లిదండ్రులు ఆందోళన వ్యక్తం చేస్తున్నారు. గ్యాస్ కొరత ఉందని చెప్పి వసతి గృహాల ఫీజులు పెంచడం సరైంది కాదని వాపోతున్నారు.
ఎల్పీజీ వినియోగం
గత కొన్నేళ్లుగా తెలంగాణలో ఎల్పీజీ వినియోగం గణనీయంగా పెరుగుతోంది. ప్రభుత్వ అంచనాల ప్రకారం రాష్ట్రంలో సుమారు 1.35 కోట్లకు పైగా గృహ ఎల్పీజీ వినియోగదారులు ఉన్నారు. రాష్ట్రవ్యాప్తంగా 1,200కు పైగా గ్యాస్ ఏజెన్సీలు ఉన్నాయి. రోజువారీగా లక్షల సంఖ్యలో గ్యాస్ సిలిండర్లు సరఫరా అవుతున్నాయి.
సగటున రాష్ట్రంలో నిత్యం 1.5 లక్షల నుంచి 2 లక్షల వరకు ఎల్పీజీ సిలిండర్లు వినియోగిస్తున్నట్లు అంచనా. గృహ వినియోగంతో పాటు రెస్టారెంట్లు, హోటళ్లు, చిన్న పరిశ్రమలు, హాస్టళ్లు పెద్ద మొత్తంలో గ్యాస్ సిలిండర్లను వినియోగిస్తున్నాయి.
ప్రధాన నగరాలైన Hyderabad, Nizamabad , Warangal, Karimnagar వంటి ప్రాంతాల్లో గ్యాస్ వినియోగం మరింత ఎక్కువగా ఉందని అధికారులు చెబుతున్నారు. నగరాల్లో పెరుగుతున్న జనాభా, హోటల్ వ్యాపారం, హాస్టల్ వ్యవస్థల వల్ల గ్యాస్ వినియోగం పెరుగుతోంది.
